کراچی: اداکارہ نیمل خاور نے شادی کے بعد اداکاری چھوڑنے کا اعلان کر دیا۔
اداکارہ نیمل خاور نے اپنے مداحوں کو سوشل میڈیا کے ذریعے دیے گئے پیغام میں کہا ہے کہ ڈرامہ سیریل ’’انا‘‘ ان کا پہلا اور آخری ڈرامہ ہو گا اس کے بعد وہ اداکاری نہیں کریں گے۔
انہوں نے کہا کہ میرا اداکاری کا تجربہ مختصر لیکن اچھا رہا اور اس شعبے میں مجھے بہت کچھ سیکھنے کا موقع ملا۔
@divagazinepakistan#divamagazine pic.twitter.com/ufWHgGHEL1
— Nimal Khawar khan (@Nimal_official) August 24, 2019
نیمل خاور نے اپنے مداحوں کا شکریہ ادا کرتے ہوئے کہا کہ آپ لوگوں نے ہمیشہ میری حوصلہ افزائی کی اور پیار دیا تاہم میرا شوق مصوری ہے جسے میں شوبز کے ساتھ لے کر چلنے میں مشکل ہو گا اس لیے میں اپنی تمام تر توجہ مصوری پر رکھنا چاہتی ہوں اور اپنی پینٹنگز کی نمائش بھی کروں گی۔
یہ بھی پڑھیں حمزہ علی عباسی رشتہ ازدواج میں بندھ گئے
واضح رہے کہ نیمل خاور آج 25 اگست کو اداکار حمزہ علی عباسی کے ساتھ شادی کے بندھن میں بندھ گئی ہیں اور ان کا ولیمہ 26 اگست کو ہو گا جس میں پاکستان تحریک انصاف کے وزرا سمیت بڑی تعداد میں شوبز کے افراد شرکت کریں گے۔
