امریکی ریاست ٹیکساس کے شہرالپاسو میں نامعلوم حملہ آور کی فائرنگ سے 20 افراد ہلاک اور متعدد افراد زخمی ہوگئے۔
امریکی میڈیاکے مطابق فائرنگ کا واقعہ ایک شاپنگ مال میں پیش آیاہے۔مقامی پولیس ذرائع کے حوالے سے بتایا گیا ہے کہ زخمی ہونے والوں میں چار بچے بھی شامل ہیں جن میں سے ایک بچے کی عمر محض چار ماہ ہے۔
پاسو کےمئیر کے حوالے سے رپورٹ کیا گیاہے کہ تین مشتبہ افراد کو حراست میں بھی لیا گیا ہے تاہم مقامی پولیس نے ایک شخص کو حراست میں لیے جانے کی تصدیق کی ہے۔
Terrible shootings in ElPaso, Texas. Reports are very bad, many killed. Working with State and Local authorities, and Law Enforcement. Spoke to Governor to pledge total support of Federal Government. God be with you all!
— Donald J. Trump (@realDonaldTrump) August 3, 2019
امریکی صدر ڈونلڈ ٹرمپ نے کہاہے کہ الپاسو میں قتل عام کا خوفناک واقعہ پیش آیا ہے اور وہاں سے بہت بری خبریں آرہی ہیں۔
سماجی رابطے کی ویب سائٹ پر انہوں نے لکھا کہ بہت سے لوگ مارے گئے ہیں ۔
انہوں نے لکھا کہ وہ مقامی انتظامیہ کے ساتھ ملکر صورتحال پر قابو پانے کی کوشش کر رہے ہیں اور انکی ٹیکساس کے گورنر سے بات بھی ہوئی ہے ۔
یہ بھی پڑھیے: 24 گھنٹوں میں امریکہ میں فائرنگ کا دوسرا بڑا واقعہ، 10 ہلاک