راولپنڈی: پاکستان نے زمین سے زمین پر مار کرنے والے بیلسٹک میزائل شاہین ٹو کا کامیاب تجربہ کر لیا۔
پاک فوج کے شعبہ تعلقات عامہ (آئی ایس پی آر) کے مطابق شاہین ٹو میزائل روایتی اور ایٹمی ہتھیار کو 1500 کلومیٹر تک لے جانے کی صلاحیت بھی رکھتا ہے۔
Successful training launch of surface to surface ballistic missile Shaheen-II conducted. Capable of carrying both conventional & nuclear warheads upto a range of 1500 KMs. Shaheen-II fully meets Pak’s strat needs towards maintenance of desired deterrence stability in the region. pic.twitter.com/I9t468wxnq
— Maj Gen Asif Ghafoor (@OfficialDGISPR) May 23, 2019
آئی ایس پی آر کی جانب سے سماجی رابطہ کی ویب سائٹ ٹوئٹر پر کامیاب میزائل تجربہ کی خوشخبری سناتے ہوئے کہا کہ تجربے کا مقصد مسلح افواج کی آپریشنل تیاریوں کو مزید بہتر بنانا ہے۔
شاہین ٹو سے متعلق تفصیلات بتاتے ہوئے آئی ایس پی آر نے بتایا کہ شاہین ٹو میزائل روایتی اور ایٹمی وار ہیڈ لے جانے کی صلاحیت رکھتا ہے۔ جو 1500 کلومیٹر تک اپنے ہدف کو کامیابی سے نشانہ بنا سکتا ہے اور یہ ملکی اسٹریٹیجک ضروریات کو پورا کرنے کی بھی مکمل صلاحیت رکھتا ہے۔
بحیرہ عرب میں کیے جانے والے شاہین ٹو تجربے کا ڈائریکٹر جنرل اسٹریجکٹ پلان ڈویژن نے مشاہدہ کیا جبکہ کمانڈر آرمی اسٹریٹیجک فورسز کمانڈ چیئرمین نیسکام، اسٹرٹیجک، سائنسدانوں اور انجینیئرز نے تجربے کا مشاہدہ کیا۔
چیئرمین جوائنٹ چیفس آف اسٹاف جنرل قمر جاوید باجوہ اور تینوں مسلح افواج کے سربراہان نے میزائل کے کامیاب تجربے پر سائنسدانوں اور انجینیئرز کو مبارکباد دی جبکہ صدر مملکت ڈاکٹر عارف علوی اور وزیر اعظم عمران خان نے بھی سائنسدانوں کو کامیاب تجربے پر تہنیتی پیغام بھجوائے۔
