امریکی صدر جوبائیڈن نے کہا ہے کہ امریکا میں سیاسی تشدد کی کوئی جگہ نہیں ،امریکیوں کی بدولت ہمارے 4 سال غیر معمولی رہے۔
ڈیموکریٹک نیشنل کنونشن سے خطاب کرتے ہوئے جوبائیڈن نے کہا کہ ہمارے اچھے دن آ رہے ہیں، جمہوریت غالب آئے گی ، کملا ہیرس جلد امریکا کی صدر بنیں گی، ڈونلڈ ٹرمپ 4 سال سے وعدے کرتے رہے لیکن انہوں نے کیا کچھ نہیں۔
ڈونلڈ ٹرمپ ہی امریکا کے اگلے صدر ہونگے، معروف نجومی کی پیشگوئی
امریکی صدر نے کہا کہ ہمارے فیصلے آنے والی دہائیوں کے لیے ہماری قوم اور دنیا کی قسمت کا تعین کریں گے ، کیا آپ جمہوریت اور امریکا کے لیے ووٹ دینے کیلئے تیار ہیں؟ کیا آپ کملا ہیرس کو ووٹ دینے کے لیے تیار ہیں۔
انہوں نے مزید کہا کہ میں نے پہلی سیا ہ فام خاتون کو امریکا کی سپریم کورٹ میں لا کر وعدہ پورا کیا۔
5 نومبر جلدی نہیں آئے گا ، جوبائیڈن صدارت کا عہدہ بھی چھوڑ دیں ، امریکی اسپیکر
جوبائیڈن نے کہا کہ روس کو لگتا تھا 3 دن میں قبضہ کر لے گا آج 3 سال بعد بھی یوکرین آزاد ہے، ہم غزہ جنگ بندی اور یرغمالیوں کی رہائی کے لیے کام کر رہے ہیں۔
