عوام بجٹ سے ریلیف کی امید نہ لگائیں، مزید قرض لینے پڑیں گے، احسن اقبال

احسن اقبال

وفاقی وزیر منصوبہ بندی احسن اقبال نے کہا ہے کہ عوام کو ریلیف دینے کے لیے مزید قرض لینے پڑیں گے۔

بجٹ 2024-25 سے متعلق وفاقی وزیر احسن اقبال نے کہا ہے کہ اگلے سال وفاقی حکومت کو 8 ہزار ارب محاصل ملیں گے جبکہ اگلے مالی سال صرف قرض میں 9 ہزار ارب روپے دینے ہیں۔

فنانس بل 2024-25، انکم ٹیکس میں مجوزہ اضافہ، کتنی تنخواہ پر کتنا ٹیکس کٹے گا؟

احسن اقبال کا کہنا تھا کہ عوام بجٹ سے ریلیف کی امید نہ لگائیں، ریلیف دینے کے لیے مزید قرض لینے پڑیں گے، پھر ان قرضوں کو ادا کرنے کے لیے نئے ٹیکس لگانے پڑیں گے۔

انہوں نے مزید کہا کہ حکومت کے وسائل محدود ہیں، اپنی آمدن سے قرضوں کا بوجھ بھی نہیں اتارسکتے۔ عوامی مشکلات کا احساس ہے، مہنگائی کو بہت اوپر لا کر چھوڑا گیا، مہنگائی میں کمی آ رہی ہے۔ عوام اور سرکاری ملازمین کو مہنگائی کا سامنا ہے۔


متعلقہ خبریں