کراچی، سی ویو پر مبینہ پولیس مقابلہ، 2 ڈاکو ہلاک

سی ویو

کراچی کے سی ویو پر پولیس اور ڈاکوؤں کے درمیان مقابلے میں 2 ملزمان ہلاک ہوگئے۔

ڈی آئی جی ساؤتھ اسد رضا کے مطابق سی ویو پر اتوار کو رش کی وجہ سے پولیس کو تعینات کیا گیا تھا۔ اس دوران ایک شہری نے موٹر سائیکل گشت پر مامور شاہین فورس کے اہلکاروں کو بتایا کہ ملزمان اس سے موبائل فون چھین کر بھاگے ہیں۔

کراچی کے شہریوں کے لیے بجلی 9 روپے 98 پیسے فی یونٹ مہنگی

اسد رضا نے بتایا کہ اہلکاروں نے ملزمان کا تعاقب کیا تو انہوں نے اہلکاروں پر فائرنگ شروع کردی۔ اہلکاروں کی جوابی فائرنگ کے نتیجے میں دونوں ملزمان ہلاک ہوگئے۔

ڈی آئی جی نے مزید کہا کہ ملزمان کے قبضے سے اسلحہ اور چھینے گئے موبائل فون برآمد کرلیے گئے ہیں۔ ملزمان کی لاشوں کو جناح اسپتال منتقل کردیا گیا جبکہ ان کا کریمنل ریکارڈ چیک کیا جارہا ہے۔


ٹیگز :
متعلقہ خبریں