سینیگال کے دارالحکومت ڈاکار میں طیارہ اڑان بھرنے سے پہلے ہی رن وے پر پھسل کر حادثے کا شکار ہوگیا۔
بین الاقوامی خبر رساں ادارے الجزیرہ کے مطابق یہ واقعہ سینیگال کے بلیس ڈائگنے ایئرپورٹ پر پیش آیا۔ ایئرپورٹ حکام کے مطابق طیارے کے رن وے سے پھسلنے کے واقعے میں 11 افراد زخمی ہوئے ہیں۔
بھارتی فضائیہ کا طیارہ گر کر تباہ
سوشل میڈیا پر طیارے حادثے کی وائرل ویڈیو میں دیکھا جاسکتا ہے کہ رن وے پر پھسلنے کے بعد طیارے کے ایک پر میں آگ لگ گئی۔ جس کے بعد تمام مسافر کو ایمرجنسی سلائیڈز کے ذریعے طیارے سے اتارا گیا۔
حکام کا کہنا ہے کہ ٹرانس ایئر کے اس بوئنگ 737 طیارے میں 78 مسافر سوار تھے جس کی منزل پڑوسی ملک مالی تھی۔ طیارے کے رن وے سے پھسلنے کی وجوہات جاننے کے لیے تحقیقات جاری ہیں۔
📌🚨CHRONIQUE
INCIDENTS RÉCURRENTS AIR SÉNÉGAL | L'Etat doit se saisir de la question
🎥RTS pic.twitter.com/GkV9P3H2NP— Kilifeuu Guii (@AldianaSafara) May 9, 2024
اُدھر ترکی میں بھی بحیرہ روم کے ساحلی قصبے الانیہ کے قریب واقع ایک ہوائی اڈے پر لینڈنگ کے دوران طیارے کا ایک ٹائر پھٹ گیا۔ طیارے میں عملے کے چھ ارکان سمیت 190 مسافر سوار تھے جنہیں بحفاظت نکال لیا گیا۔
