بانی پی ٹی آئی کی توہین الیکشن کمیشن کی جیل ٹرائل روکنے کی درخواست سماعت کے لیے مقرر کر دی گئی۔
لاہور ہائیکورٹ کا تین رکنی بینچ جسٹس عالیہ نیلم کی سربراہی میں 29 جنوری کو سماعت کرے گا۔ عدالت نے درخواست گزار کے وکیل کو مزید دستاویزات پیش کرنے کی ہدایت کر رکھی ہے۔
علاوہ ازیں لاہور ہائیکورٹ نے بانی پی ٹی آئی کی 7 مقدمات میں ضمانتیں خارج کرنے کا فیصلہ کالعدم قرار دے دیا ہے۔
عدالت نے تحریری فیصلے میں قرار دیا ہے کہ بانی پی ٹی آئی گرفتاری کے باعث ٹرائل کورٹ میں پیش نہ ہو سکے، ٹرائل کورٹ نے حقائق کا درست جائزہ نہیں لیا لہٰذا بانی پی ٹی آئی کی ضمانتیں خارج کرنے کا فیصلہ کالعدم قرار دیا جاتا ہے۔
