انٹرنیشنل کرکٹ کونسل (آئی سی سی) ون ڈے ورلڈکپ میں ڈینگی کے وار تیز ہونے لگے، بھارتی کمنٹیٹر ہرشا بھوگلے بھی ڈینگی کا شکار ہوگئے۔
سماجی رابطے کی ویب سائٹ ایکس پر ہرشا بھوگلے نے اپنے اکاونٹ سے کی گئی ٹویٹ میں ڈینگی کے شکار ہونے کی افسوسناک خبر سنائی۔ انہوں نے لکھا کہ ‘میں 14 اکتوبر کو ہونے والے پاک بھارت میچ میں شرکت نہیں کرپاوں گا۔
ہرشا بھوگلے کا کہنا تھا کہ ‘میں ڈینگی کا شکار ہوگیا ہوں اور کم قوت مدافعت اور کمزوری کی وجہ سے میری میچ میں شرکت ناممکن ہے۔’
ڈینگی کا ورلڈکپ پر وار، بھارت کے شبمن گِل کا ٹیسٹ مثبت آگیا
بھارتی کمنٹیٹر نے کہا کہ ‘امید ہے کہ میں بھارت اور بنگلادیش کے درمیان 19 اکتوبر کو ہونے والے ورلڈکپ میچ سے پہلے پہلے صحت یاب ہوکر واپس آجاؤں گا۔’
انہوں نے مزید لکھا کہ ‘میرے ساتھی اور نشریاتی عملے نے اس دوران میری بھرپور مدد کی جنہوں نے میری جگہ آسٹریلیا اور بھارت کے درمیان میچ کے دوسرے حصے کے دوران اضافی کام کا بوجھ اٹھایا۔’
I am disappointed at having to miss out on #IndiavsPak on the 14th. But I have dengue and the resultant weakness, and lowered immunity, will make it impossible. I am hoping to be back in time for the game on the 19th. My colleagues, and the broadcast crew, have been very helpful…
— Harsha Bhogle (@bhogleharsha) October 12, 2023
خیال رہے کہ اس سے پہلے بھارتی کرکٹ ٹیم کے نوجوان اوپننگ بلے باز شبمن گل بھی آسٹریلیا کے خلاف میچ سے پہلے ڈینگی کا شکار ہوگئے تھے۔ 14 اکتوبر کو احمد آباد میں ہونے والے پاک بھارت میچ میں بھی انکی شرکت مشکوک ہے۔