واشنگٹن: سابق امریکی صدر ڈونلڈ ٹرمپ نے کانگریس کے اسپیکر کے انتخاب میں حصہ لینے کا امکان ظاہر کر دیا۔
غیر ملکی خبر رساں ایجنسی کے مطابق امریکی صدر ڈونلڈ ٹرمپ نے کہا ہے کہ اگر پارٹی کو ضرورت ہوئی تو مختصر مدت کے لیے اسپیکر بن سکتا ہوں۔
انہوں نے کہا کہ بہت سے لوگ مجھے اسپیکر بنانے کے حوالے سے فون کر رہے ہیں۔ سب کچھ ملک، ریپبلکن پارٹی اور عوام کے مفاد میں کریں گے۔
یہ بھی پڑھیں: شام میں ڈرون حملہ، 100 سے زائد افراد جاں بحق
دوسری جانب سابق امریکی صدر کے سیاسی حریفوں کا خیال ہے کہ ڈونلڈ ٹرمپ مقدمات سے بچنے کے لیے اسپیکر بننے کی تیاری کر رہے ہیں۔
یہ بھی پڑھیں: دوبارہ جوہری تجربات شروع کر سکتے ہیں، روسی صدر
واضح رہے کہ 2 روز قبل امریکی ایوان نمائندگان کے اسپیکر میک کارتھی کو عہدے سے ہٹا دیا گیا تھا،ا سپیکر کیون میکارتھی کو ہٹائے جانے کے بعد ڈونلڈ ٹرمپ کے اسپیکر کا انتخاب لڑنے کا امکان تھا، میکارتھی کے خلاف تحریک عدم اعتماد کامیاب ہونے کے فوری بعد ٹرمپ کا نام پیش کیا گیا۔
