موبائل فون صارفین میں بہت سے ایسے لوگ بھی ہیں جو خوف یا ہچکچاہٹ کے باعث فون کال اٹھانے سے گھبراتے ہیں، ایسے افراد دراصل ایک خاص قسم کے ڈس آرڈر کا شکار ہوتے ہیں۔
ماہرین کے مطابق جو افراد فون کالز اٹھاتے وقت اس قسم کی کیفیت محسوس کرتے ہیں جس میں انہیں ہچکچاہٹ کا سامنا ہوتا ہے۔ ایسے افراد فون انزائٹی یا ٹیلی فوبیا نامی ڈس آرڈر کا شکار ہوتے ہیں۔
سمندر پار پاکستانیوں کے لئے موبائل فونز کی عارضی رجسٹریشن کے نظام کااجرا
ماہرین کا کہنا ہے کہ ایسے موبائل صارفین اکثر موبائل فون پر بات کرتے ہوئے گھبراتے ہیں۔ یہ ڈس آرڈر اکثر ان افراد میں زیادہ پایا جاتا ہے جو سوشل انزائٹی کا شکار ہوتے ہیں۔ یہ ایک خاص قسم کا ڈس آرڈر ہے جس میں دوسروں کی طرف سے پرکھے جانے کا مستقل خوف رہتا ہے۔
اس حوالے سے فون انزائٹی ڈس آرڈر کی کچھ علامات میں فون بجتے ہی فوراً کال نہ اٹھانا اور کال آتے ہی دل کی دھڑکن کا تیز ہوجانا پہلی علامت ہے۔ اگر فون اٹھا بھی لیا جائے تو کال پر بات کرتے ہوئے گھبراہٹ محسوس کرنا بھی اسی ڈس آرڈر میں شمار ہوتا ہے۔
عاشورہ محرم، افغان مہاجرین کی شہر میں نقل و حرکت اور موبائل فون سروس بند رکھنے کا فیصلہ
فون انزائٹی ڈس آرڈر کی مزید علامات میں فون پر بات کرنے کے دوران سوچ میں پڑجانا یا یہ دورانِ فون کال یہ سوچنا کہ کیا گفتگو کی جائے۔
ماہرین کے مطابق جن افراد میں یہ علامات پائی جاتی ہیں یا وہ کافی عرصے سے اس قسم کی کیفیت محسوس کر رہے ہیں تو انہیں مینٹل ہیلتھ پروفیشنل سے رجوع کرنا چاہیے۔
