دبئی: متحدہ عرب امارات کے خلا باز سلطان النیادی نے کہا ہے کہ بہت بڑے سمندری طوفان بائپر جوائے کے بادل پہاڑ کی طرح دکھائی دے رہے ہیں۔
سمندری طوفان بھارتی ریاست گجرات کے ساحل سے ٹکرا گیا
خلیج کے مؤقر انگریزی اخبار گلف نیوز کے مطابق انہوں نے خلا سے سمندری طوفان کی ویڈیو بنا کر سماجی رابطوں کی ویب سائٹ ’ٹوئٹر‘ پر شیئر کی ہے جس میں انہوں نے کہا ہے کہ میں یہ تو نہیں دیکھ سکتا ہوں کہ طوفان کا مرکز کہاں ہے؟ لیکن یہ بحیرہ عرب کے اوپر موجود ہے جو بحر ہند کو لگتا ہے۔
طوفان آج 11 بجے کیٹی بندر سے ٹکرائیگا، ملک ہیٹ ویو کی لپیٹ میں آئیگا، شیری رحمان
واضح رہے کہ متحدہ عرب امارات کے خلاباز سلطان النیادی اس وقت بین الاقوامی خلائی اسٹیشن میں ناسا کے 6 ماہ کے طویل مشن پر موجود ہیں۔ خلا باز کی جانب سے جاری کردہ فوٹیج میں دیکھا جاسکتا ہے کہ بحیرہ عرب کے اوپر بادل سمندری طوفان کی شکل اختیار کررہے ہیں۔
Watch as a tropical cyclone forms over the Arabian Sea from these views I captured.
The ISS provides a unique perspective on several natural phenomena, which can assist experts on Earth in weather monitoring.🌩️🌀
Stay safe, everyone! pic.twitter.com/dgr3SnAG0F
— Sultan AlNeyadi (@Astro_Alneyadi) June 13, 2023
خلاباز سلطان النیادی نے بین الاقوامی خلائی اسٹیشن سے سمندری طوفان بائپر جوائے کی ویڈیو شیئر کرتے ہوئے لکھا ہے کہ انہوں نے بحیرہ عرب میں سمندری طوفان کو کیمرے کی آنکھ میں محفوظ کرلیا ہے۔
آنے والے وقتوں میں طوفانوں کی شدت اور تعداد میں اضافہ ہوسکتا ہے، جواد میمن
جاری کردہ فوٹیج میں متحدہ عرب امارات کے اوپر صاف آسمان اور عمان پر بکھرے بادلوں کو دکھایا گیا ہے جس کے بعد بحیرہ عرب پر گہرے بادلوں کو دیکھا گیا تو وہ طوفان کی شکل اختیار کررہے ہیں۔
سمندری طوفان پہنچنے سے پہلے کیٹی بندر بند ٹوٹ پھوٹ کا شکار، شہری پریشان
واضح رہے کہ خلا باز سلطان النیادی زمین سے اس وقت تقریباً 400 کلو میٹر کی بلندی پر موجود ہیں۔
As promised in my previous video 📸 here are some pictures of the cyclone #Biparjoy forming in the Arabian Sea that I clicked over two days from the International Space Station 🌩️ pic.twitter.com/u7GjyfvmB9
— Sultan AlNeyadi (@Astro_Alneyadi) June 14, 2023
خلا باز سلطان النیادی نے جاری کردہ اپنی ویڈیو کے اختتام میں تمام لوگوں کو احتیاطی تدابیر اختیار کرنے کی ہدایت کی ہے۔
طوفان کی صورت میں گھر کی بجلی اور گیس بند کر دیں،پی ڈی ایم اے سندھ
واضح رہے کہ سمندری طوفان بائپر جوائے کے اثرات گزشتہ روز سے دکھائی دینے لگے ہیں، کراچی سمیت اندرون سندھ کے علاقے میں گرد آلود تیز ہوائیں چل رہی ہیں، بوندا باندی اور ہلکی بارش کا سلسلہ بھی جاری ہے جب کہ ماہرین کی جانب سے اونچی لہروں کے پیدا ہونے کے خدشات بھی ظاہر کیے گئے ہیں۔
