لاہور کے میو ہسپتال میں ٹیسٹ کٹس ختم، کسی قسم کا ٹیسٹ نہیں ہوسکے گا


لاہور کے بڑے اور قدیمی میو ہسپتال میں ادویات کے بعد ٹیسٹ کٹس بھی ختم ہوگئیں، ہسپتال کی لیبارٹری کے مطابق کٹس نہ ہونے کی وجہ سے کسی قسم کا ٹیسٹ نہیں ہوسکے گا۔

تفصیلات کے مطابق لاہور کا میو ہسپتال ٹیسٹ کٹس کی قلت کے باعث بحران کا شکار ہوگیا۔ میو ہسپتال میں اسٹنٹ، ادویات اور ایکسرے فلموں کے بعد ٹیسٹ کٹس بھی ختم ہوگئیں۔ کنگ ایڈورڈ اور میو اسپتال کی لیبارٹری نے ایک ماہ سے کٹس نہ ملنے پر انتظامیہ کو خط لکھ دیا۔

خیبرپختونخوا کے دو بڑے ہسپتال معاشی بحران کا شکار

خط میں کہا گیا ہے کہ پیشاب، مثانہ، کولیسٹرول، ٹوٹل پروٹین اور دیگر ٹیسٹ کٹس ختم ہونے کے بعد اب ہسپتال میں ٹیسٹ نہیں ہو سکیں گے۔

اس حوالے سے نگران صوبائی وزیر صحت ڈاکٹر جاوید اکرم نے بتایا کہ ہسپتالوں میں مختلف اشیاء کی قلت کا علم ہے۔ مالی سال کا آخری ماہ ہونے کے باعث کچھ مسائل آ رہے ہیں۔

خیبرپختونخوا کی سب سے بڑی یونیورسٹی مالی بحران کا شکار

ڈاکٹر جاوید اکرم نے مزید کہا کہ جلد تمام ہسپتالوں میں جاری ادویات اور مختلف اشیاء کی قلت دور ہو جائے گی۔


متعلقہ خبریں