لکی مروت میں شہید نائب صوبیدار تاج میر،حوالدارذاکراحمداورسپاہی عابدحسین کی نمازجنازہ ادا ۔
آئی ایس پی آر کے مطابق نمازجنازہ میں حاضر سروس اورریٹائرڈفوجی افسران اورشہریوں کی بڑی تعداد نے شرکت کی ،بعد ازاں نائب صوبیدارتاج میر،حوالدارذاکراحمداورسپاہی عابد حسین کو پورےفوجی اعزاز کےساتھ سپردخاک کردیا گیا۔
دہشت گردوں کا حملہ، 4 پولیس اہلکار شہید
یاد رہے کہ گزشتہ روز لکی مروت کے مختلف علاقوں میں دہشت گردوں کے3 حملے پسپا کردئیے گئے تھے
آئی ایس پی آر کے مطابق 27/28 اپریل کی رات، سیکورٹی فورسز نے بہادری سے لڑتے ہوئےضلع لکی مروت میں مختصر وقت کے اندر مختلف مقامات پر دہشت گردوں کے تین حملوں کو پسپا کر دیا۔
پاک ایران بارڈر سے دہشتگردوں کی فائرنگ،حملے میں 4جوان شہید
لکی مروت میں سیکیورٹی فورسز کی چوکی کے قریب موٹرسائیکل سوار خودکش بمبار نے خود کو دھماکے سے اڑا لیا جس کے بعدپاک فوج کے جوانوں اور دہشت گردوں کے درمیان شدید فائرنگ کا تبادلہ ہوا۔پاک فوج کے جوانوں نے دہشت گردوں سے موثر انداز میں مقابلہ کیا جس کے نتیجے میں 4 دہشت گردوں کو جہنم واصل کر دیا گیا۔
خیبر: سیکیورٹی فورسز اور دہشتگردوں میں فائرنگ کے تبادلے میں 2 جوان شہید
ضلع لکی مروت کے علاقے امیرکلام اور تاجبی خیل میں دہشت گردوں کے ساتھ دو دیگر مقابلوں میں دہشت گرد کمانڈر موسیٰ خان سمیت مزید 3 دہشت گرد مارے گئے۔ہلاک ہونے والے سات دہشت گردوں سے اسلحہ اور گولہ بارود بھی برآمد ہوا ہے۔
پاک فوج کے 3 جوانوں نے جام شہادت نوش کیا۔شہیدہونےوالوں میں نائب صوبیدارتاج میر،حوالدارذاکراحمد،سپاہی عابد حسین شامل ہیں۔
جنوبی وزیرستان میں آپریشن،اہم کمانڈر جان محمد سمیت 8 دہشتگرد ہلاک
آئی ایس پی آر کے مطابق علاقے میں کسی بھی دوسرے دہشت گرد کی موجودگی کو ختم کرنے کے لیے سرچ آپریشن جاری ہے۔سیکیورٹی فورسز دہشت گردی کی لعنت کو ختم کرنے کے لیے پرعزم ہیں اور ہمارے بہادر سپاہیوں کی ایسی قربانیاں ہمارے عزم کو مزید مضبوط کرتی ہیں۔
