پاکستان کرکٹ ٹیم کے سابق بیٹنگ کوچ محمد یوسف نے کہا ہے کہ اگر بابر اعظم پر دباؤ ہو تو اس کا اثر پوری پاکستانی ٹیم پر ہوتا ہے۔
سابق کپتان محمد یوسف نے اپنے ایک حالیہ انٹرویو میں بابر اعظم کی کپتانی سے متعلق اظہار خیال کیا۔ انہوں نے کہا کہ میں نے بابر کے ساتھ کام کرتے ہوئے اپنے تجربات شیئر کیے۔ بابر اعظم میں سیکھنے کی بہت لگن ہے۔
محمد یوسف کا کہنا تھا کہ ہمیشہ ہی خوشی ہوتی ہے کہ پاکستان کے پاس ایک ورلڈ کلاس بلے باز موجود ہے۔ مجھے اچھا لگے گا جب بابر اعظم میرے تمام ریکارڈز توڑ دیں گے۔
ٹیم کا کپتان صرف بابر اعظم کو ہی رہنا چاہیے، سابق کرکٹر سلیم یوسف
قومی ٹیم کے وکٹ کیپر اور بلے باز محمد رضوان کے حوالے سے انہوں نے کہا کہ رضوان بھی بہت جلد مختلف کنڈیشنز سے ہم آہنگ ہونے کی صلاحیت رکھتے ہیں۔
محمد یوسف کا مزید کہنا تھا کہ پاکستانی بیٹنگ لائن کی کارکردگی اتنی بری نہیں ہے جتنی ان پر تنقید کی جاتی ہے۔ ہم اپنے کھلاڑیوں کو جتنا سپورٹ کریں گے، اتنا ہی وہ بہتر کھیل پیش کرنے کے قابل ہونگے۔
