عمران خان کی سابق اہلیہ جمائما خان نے پاکستانی اداکارہ سجل علی سے محبت کا اظہار کیا ہے۔
جمائما نے سجل علی کے ایک انٹرویو کی ویڈیو شئیر کی جس پر لکھا کہ وہ سجل سے بہت پیار کرتی ہیں، اور وہ انتظار نہیں کر پا رہیں کہ لوگ سجل کو ان کی فلم میں دیکھیں۔
ویڈیو میں سجل علی کا جمائما کی نئی آنے والی کے بارے میں کہنا تھا کہ یہ پہلا پروجیکٹ ہے جس میں پاکستان کے کلچر کو اچھے انداز میں میوزک اور ڈائیلاگ کے ذریعے دکھایا گیا ہے۔
I love her 💚🇵🇰@Iamsajalali
Can’t wait for people to see her in our film. pic.twitter.com/Emvsh3K4NO— Jemima Goldsmith (@Jemima_Khan) December 4, 2022
واضح رہے وزیر اعظم عمران خان کی سابق اہلیہ، برطانوی فلم ساز و لکھاری جمائما گولڈ اسمتھ کی پروڈیوس کردہ فلم ’واٹس لو گاٹ ٹو ڈو وِد اٹ’ میں سجل علی اہم کردار میں نظر آئیں گی، جو 2023 جنوری میں ریلیز ہوگی۔
فلم کے مرکزی کرداروں میں شبانہ اعظمی، للی جیمز اور شہزاد لطیف نظر آئیں گے۔
رپورٹ میں بتایا گیا کہ رومانوی کامیڈی فلم میں راحت فتح علی خان کے دو گانے بھی شامل ہیں جب کہ فلم کی کاسٹ میں آسکر ایوارڈ یافتہ ہولی وڈ اداکارہ ایما تھومپسن بھی شامل ہیں۔
فلم کی ہدایات بالی وڈ فلم ساز شیکھر کپور دے رہے ہیں،جبکہ فلم کی کہانی جمائما گولڈ اسمتھ نے لکھی ہے جس کی کہانی برطانوی نژاد لڑکی اور پاکستانی نژاد لڑکے کی محبت کے گرد گھومتی ہے۔
