تحریک انصاف ممنوعہ فنڈنگ کیس دائر کرنے والے پارٹی کے بانی رکن اکبر ایس بابر نے کہا ہے کہ عمران خان کی کرپشن اور منی لانڈرنگ سامنے آ گئی، وہ صادق اور امین نہیں بلکہ چور اور کرپٹ ہیں۔
سماجی رابطے کی ویب سائٹ ٹویٹر پر اپنے ایک بیان میں اکبر ایس بابر نے کہا کہ وہ آج پوری قوم کے سامنے سرخرو ہو گئے ہیں۔
وَتُعِزُّ مَن تَشَآءُ وَتُذِلُّ مَن تَشَآءُ
اللہ پاک کا لاکھ لاکھ شکر ہے کہ آج اس نے مجھے پوری قوم کے سامنے سرخرو کیا ، اور آٹھ سال سے محفوظ فیصلہ آ گیا ، جس میں عمران خان کی کرپشن اور منی لانڈرنگ آج پوری قوم کے سامنے آ گئی ہے۔
عمران خان صادق اور امین نہیں بلکہ چور اور کرپٹ ہیں۔— Akbar S.Babar PTI (@AS_Babar786) August 2, 2022
میڈیا سے بات کرتے ہوئے ان کا کہنا تھا کہ ہمارے ستر سال کے فیصلوں میں مصلحت ہوتی ہے، فیصلہ تحریک انصاف کے ورکر زکے لیے آئی وپنر ہے، آزاد الیکشن کمیشن نے فرد جرم عائد کر دی ہے، مطالبہ کرتا ہوں کہ عمران خان استعفٰی دیں۔
اکبر ایس بابر نے الزام لگایا کہ عارف نقوی کا ایفی ڈیوٹ جھوٹا تھا، الیکشن کمیشن سے کہوں گا کہ دیگر جماعتوں کا فیصلہ بھی آنا چاہیے، شوکاز نوٹس میں لکھا ہے کہ پی ٹی آئی نے غلط انفارمیشن دی اور پی ٹی آئی کو غیر ملکی کمپنیوں سے فنڈنگ ہوئی۔
