سری نگر: بھارتی فوجی کی بیوہ نے حق خود ارادیت کی جدوجہد کرنے والے کشمیریوں کی حمایت کرتے ہوئے کہا ہے کہ وزیروں کی اولادوں کو ایک مرتبہ ضرور سرحد پربھیجیں۔
مقبوضہ کشمیر: بھارتی خفیہ ایجنسیوں کے مزید ماہرین وادی میں پہنچ گئے
ہم نیوز نے کشمیر اردو کے حوالے سے بتایا ہے کہ سماجی رابطوں کی ویب سائٹ ’ٹوئٹر‘ پر ایک ویڈیو وائرل ہوئی ہے جس میں پونچھ سیکٹر میں ہلاک ہونے والے بھارتی فوجی کی بیوہ نے کہا ہے کہ وہ بھارت سرکار سے کہنا چاہتی ہے کہ روز ہمارے نوجوان مرتے ہیں تو اگر وہ علیحدہ کشمیر مانگ رہے ہیں تو دے دو۔
بھارت سرکار سے کہنا چاہتی ہوں، روز ہمارے نوجوان مرتے ہیں
اگر وہ علیحدہ کشمیر مانگ رہے ہیں تو دے دو
پونچھ میں ہلاک ہونے والے بھارتی فوجی کی بیوی نے کشمیر کی آزادی کی حمایت کر دی pic.twitter.com/A3L0loXBsp— کشمیر اردو (@KashmirUrdu) October 20, 2021
بھارتی فوجی کی بیوہ نے کہا ہے کہ پھر ہمارے جوان مریں گے تو میڈیا والے کوریج کے لیے پہنچ جائیں گے۔ انہوں نے کہا کہ سرکار تو کچھ بھی نہیں کرتی ہے اور میڈیا والے بھی دو دن آجاتے ہیں لیکن تیسرے دن کوئی بھی نہیں پوچھتا ہے۔
مقبوضہ کشمیر: مزید 4 کشمیری شہید
وائرل ہونے والی ویڈیو میں دیکھا جا سکتا ہے کہ بھارتی فوجی کی بیوہ نے کہا کہ کشمیر کا مسئلہ حل ہونا چاہیے اور اگر وہ علیحدہ کشمیر مانگ رہے ہیں تو دے دو۔
مقبوضہ کشمیر:بھارتی فوج نے 5کشمیریوں کو شہید کر دیا
انہوں نے مودی سرکار کو کڑی نکتہ چینی کا نشانہ بناتے ہوئے کہا کہ وزیروں کی اولادیں تو سرحد پر نہیں جاتی ہیں لیکن ایک بار ان کی اولادوں کو ضرور بارڈر پر بھیجنا چاہئے۔
