نیشنل ڈیٹا بیس اینڈ رجسٹریشن اتھارٹی (نادرا) نے آن لائن شناختی کارڈ بنوانے کیلئے موبائل ایپ تیار کرلی ہے۔
تفصیلات کے مطابق پاکستان میں پہلی بار جدید ترین ٹیکنالوجی کی بدولت شناختی کارڈ بنوانے کے لیے موبائل فون پر ہی فنگر پرنٹس بھی لیے جائیں گے۔
یہ بھی پڑھیں: الیکشن کمیشن مان گیا، آئندہ انتخابات ٹیکنالوجی کے استعمال سے ہوں گے ،شبلی فراز
نادرا کی ویب پورٹل سے منسلک کی جانے والی پاک آئیڈنٹِٹی موبائل ایپ پلےاسٹور سے ڈاؤن لوڈ ہوگی۔ وزیراعظم عمران خان نے بھی جدید ترین ٹیکنالوجی کے لیے نادرا کی ٹیم کو مبارکباد دی ہے۔
Inaugurated PAK-ID Mobile App by #NADRA. A revolutionary step in providing convenience, especially to Overseas Pakistanis. Applicants of https://t.co/utri3ua8J4 can now capture fingerprints, photograph and documents using mobile phone. Great initiative by Tariq Malik & NADRA team pic.twitter.com/kEZN9ODuaH
— Imran Khan (@ImranKhanPTI) August 31, 2021
چیئرمین نادرا طارق ملک کا کہنا ہے کہ ڈیجیٹل شعبے میں اس ٹیکنالوجی سے ہونہار پاکستانی نوجوان نہ صرف بے شمار نئی مصنوعات، خدمات اور سہولیات متعارف کرا سکیں گے بلکہ یہ اقدام معیشت کے کئی شعبوں میں انقلاب برپاکرسکتی ہے۔
انہوں نے کہا کہ ایمازون جیسے بڑے آن لائن عالمی اداروں کا اس ٹیکنالوجی کی بدولت اعتماد بھی بڑھے گا۔
طارق ملک نے مزید کہا کہ نادرا کی ویب سائٹ (id.nadra.gov.pk) کے درخواست گزار موبائل فونز کے ذریعے ہی انگلیوں کے نشانات، تصاویر اور دستاویز حاصل کرسکتے ہیں۔
