ہالی ووڈ کی امیر ترین گلوکارہ ٹیلر سوئفٹ نے کورونا وائرس کی وجہ سے اس سال شیڈول اپنے تمام کنسرٹس منسوخ کر دیئے ہیں۔
سماجی رابطوں کی ویب سائٹس ٹوئٹر پر انہوں نے لکھا “مجھے بہت دکھ ہے کہ میں اس سال آپ کو اپنے کنسرٹس میں نہیں دیکھ پاؤں گی لیکن مجھے معلوم ہے کہ یہ صحیح فیصلہ ہے۔”
I'm so sad I won't be able to see you guys in concert this year, but I know this is the right decision. Please, please stay healthy and safe. I’ll see you on stage as soon as I can but right now what’s important is committing to this quarantine, for the sake of all of us. pic.twitter.com/qeiMk2Tgon
— Taylor Swift (@taylorswift13) April 17, 2020
ٹیلرسوئفٹ نے لکھا کہ اس وقت قرنطینہ میں رہنا سب سے زیادہ ضروری ہے۔ گلوکارہ نے پرستاروں سے گھروں پر رہنے کی درخواست کرتے ہوئے جلد کنسرٹس کرنے کی امید بھی ظاہر کی۔
گلوکارہ نے 2019 میں ریلیز ہونے والی اپنی البم کی تشہیر کیلئے رواں سال چار دن کیلئے امریکہ کے دو مختلف مقامات پر پرفارم کرنا تھا تاہم کورونا وائرس کے سبب انہوں نے 2020 میں شیڈول تمام پروگرام منسوخ کردیئے ہیں۔
انہوں نے لکھا کہ 2020 میں شیڈول پروگرام 2021 میں ہوں گے اور جن لوگوں نے ٹکٹس خریدے ہیں وہ آئندہ سال بھی قابل استعمال ہوں گے تاہم ٹکٹس واپس کر کے پیسے بھی لیے جا سکتے ہیں۔
