عمید آصف کی تباہ کن بالنگ، زلمی نے دبئی کا میدان مار لیا

February 24, 2018

دبئی: پاکستان سپر لیگ تھری کے چوتھے میچ میں پشاور زلمی نے شاندار فتح اپنے نام کر لی ہے۔

177 رنز کے ہدف کے تعاقب میں اسلام آباد کی ٹیم مقررہ 20 اوورز میں نو وکٹوں کے نقصان پر 34 رنز بنا سکی۔

میچ کےآغاز میں اسلام آباد یونائیٹڈ نے ٹاس جیت کر پشاور زلمی کو پہلے بیٹنگ کی دعوت دی

زلمی اوپنرز میدان میں آئے تو جارحانہ بیٹنگ کرتے ہوئے اسکور کو اچھے ٹوٹل کی جانب لے گئے۔

اوپنر بلے باز کامران اکمل نے دھواں دھار بیٹنگ کا مظاہرہ کرتے ہوئے 32 گیندوں پر تین چھکوں اور سات چوکوں کی مدد سےنصف سنچری کی۔

اوپننگ بلے باز کامران اکمل نے بلند و بالا چھکے کی مدد سے اپنی ٹیم کے پہلے پچاس رنز مکمل کئے تو چھٹے اوور کا کھیل جاری تھا۔

کامران اکمل 69 کے مجموعی اسکور پر سمیت پاٹیل کی گیند پر والٹن کے ہاتھوں میچ آؤٹ ہوئے۔

ڈیوائن اسمتھ میدان میں آئے تو تمیم اقبال کے ساتھ مل کرکھیل آگے بڑھایا۔ زلمی کی دوسری وکٹ گری تو ٹیم کا مجموعی اسکور 121 تھا۔ تمیم اقبال 39 کے انفرادی اسکور پرآندرے رسل کی گیند پر شاداب خان کو کیچ دے کر پویلین لوٹ گئے۔

زلمی کی جانب سے تیسری وکٹ ڈیوائن اسمتھ کی گری۔ اسمتھ 30 رنز بنا کر فہیم اشرف کی گیند پر انہیں کو کیچ دے کر آؤٹ ہوئے۔

ڈیرن سیمی میدان میں آئے تو مداحوں کی امیدوں پر پورا نہ اتر سکے۔زلمی کپتان نو رنز بنا کر فہیم اشرف کی گیند پر پویلین لوٹ گئے۔ سیمی 136 کے مجموعی اسکور پر آؤٹ ہوئے۔

پانچویں وکٹ حارث سہیل کی گری۔ مڈل آرڈر بلے باز صرف چار کے انفرادی اسکور پر محمد سمیع کی گیند پر کیچ آؤٹ ہوئے۔

وہاب ریاض میدان میں آئے تو 20ویں اوور کی آخری گیند پر سات رنز بنا کر رومان رئیس کا شکار ہوئے۔

محمد حفیظ 30 رنز بنا کر ناٹ آؤٹ رہے۔ کامران اکمل 69 بنا کر ٹاپ اسکورر رہے۔

یونائیٹڈ کی جانب سے فہیم اشرف نے دو کھلاڑیوں کو پویلین کی راہ دکھائی۔

ہدف کے تعاقب میں اسلام آباد یونائیٹڈ کی ٹیم میدان میں اتری تو اوپنر بلے باز ڈیبیو بالر عمید آصف کی بالنگ کے سامنے جم کر نہ کھیل سکے۔

OUT! 3.6 Umaid Asif to Hussain Talat
Watch ball by ball highlights at https://t.co/ho1TQeBtzk #HBLPSL #DilSeJaanLagaDe #IUvPZ #Cricingif #PSL2018 pic.twitter.com/NqkQghuBV7

— PakistanSuperLeague (@thePSLt20) February 24, 2018