لندن: انٹر نیشنل کرکٹ کونسل (آئی سی سی) ورلڈ کپ 2019 کی رنگا رنگ افتتاحی تقریب منعقد ہوئی جس میں مقامی فنکاروں نے اپنے فن کا مظاہرہ کیا۔
عالمی میڈیا کے مطابق ورلڈ کپ کی افتتاحی تقریب میں نامور کرکٹرز کی موجودگی میں شائقین کرکٹ بھرپور انداز میں لطف اندوز ہوئے۔
منتظمین کی جانب سے اس تقریب کو ’سرپرائز پارٹی‘ قرار دیا گیا تھا جس کی ٹکٹیں پہلے ہی فروخت ہوچکی تھیں۔
The captains from all ten #CWC19 sides met Queen Elizabeth II & the Duke of Sussex at Buckingham Palace earlier today. pic.twitter.com/ejorQW1dvN
— Cricket World Cup (@cricketworldcup) May 29, 2019
افتتاحی تقریب سے خطاب کرتے ہوئے ویسٹ انڈین لیجنڈ سر ویوین رچرڈز نے امید کا اظہار کیا کہ ان کی ٹیم ٹورنامنٹ میں فاتح ہوگی۔ انہوں نے کہا کہ ویسٹ انڈیز کو شکست دینا آسان نہیں ہوگا۔
سر ویوین رچرڈز نے پاکستان اور بھارت کے علاوہ انگلینڈ کو ٹورنامنٹ جیتنے کے لیے فیورٹ قرار دیا۔
دوسری جانب عالمی کپ میں شرکت کرنے والی تمام ٹیموں کے کپتانوں کی برطانوی ملکہ ایلزبتھ سے بھی ملاقات ہوئی۔
کل جنوبی افریقہ اور انگلینڈ کے درمیان ورلڈ کپ کا پہلا میچ کھیلا جائے گا۔