اسلام آباد: ترجمان دفتر خارجہ ڈاکٹر محمد فیصل نے کہا ہے کہ شبیر شاہ کی تہاڑ جیل میں حملے میں زخمی ہونے کی رپورٹس ہیں، جس پر پاکستان تشویش کا اظہار کرتا ہے۔
#Pakistan is gravely concerned about the safety of hurriyat leader #ShabbirShah amidst reports of him being attacked and injured in Indian Tihar Jail – (1/2)
— Dr Mohammad Faisal (@DrMFaisal) February 24, 2019
ترجمان دفتر خارجہ کے مطابق پاکستان کوحریت رہنما شبیرشاہ کی حفاظت سے متعلق گہری تشویش ہے۔ انہوں نے کہا کہ ایسی رپورٹس بھارت میں کشمیریوں کے خلاف کریک ڈاؤن میں تیزی کےپس منظر میں آ رہی ہیں ۔
یہ بھی پڑھیں: بھارتی ڈپٹی ہائی کمشنر کی دفتر خارجہ طلبی، پاکستان کا احتجاج
These reports coming in the backdrop of intensified crackdown on Kashmiris & stoning to death of Pakistani prisoner #Shakirullah in indian jail increase concern – we urge #India to ensure his safety and security @mbachelet @hrw (2/2)
— Dr Mohammad Faisal (@DrMFaisal) February 24, 2019
پاک بھارت کشیدگی، دفتر خارجہ میں کرائسز مینیجمنٹ سیل قائم
واضح رہے مقبوضہ کشمیر کے ضلع پلوامہ میں بھارتی فوج پر حملے کے بعد پاکستان اور بھارت کے درمیان کشیدگی جاری ہے اور بھارت کی جانب سے ناصرف پاکستان پر حملے میں ملوث ہونے کے الزامات لگائے گئے ہیں بلکہ انڈیا میں موجود پاکستانیوں اور مقبوضہ کشمیر میں کشمیریوں کی زندگی بھی اجیرن بنا دی ہے۔
تمام تر صورتحال کے باعث دفتر خارجہ نے کرائسز مینجمنٹ سیل تشکیل دے دیا ہے۔ ترجمان دفتر خارجہ کے مطابق سیل سفارتی سطح اور سرحدی صورتحال کے حوالے رابطے میں رہے گا جو 24 گھنٹے کام کرے گا۔
ترجمان کا مزید کہنا تھا کہ کرائسس مینیجمنٹ سیل ایمرجنسی حالات کے لیے بنایا جا رہا ہے جو صورتحال پر اپڈیٹ رکھے گا۔
