کراچی: چیئرمین پیپلزپارٹی بلاول بھٹو زرداری نے شیخ رشید کے بارے میں دیے گئے بیان پر معذرت کر لی ہے۔
برطانیہ میں مقیم خاتون صحافی شمع جونیجو نے اپنے سماجی رابطے کی ویب سائٹ ٹوئٹر اکاؤنٹ پر بلاول بھٹو زرداری کے بیان پر تبصرہ کرتے ہوئے کہا کہ بلاول بھٹو ایسی زبان استعمال کرنا آپ کو زیب نہیں دیتا۔ آپ آکسفورڈ کے گریجویٹ ہو اور آپ کے دادا اور والدین ملک کے وزیر اعظم اور صدر رہے ہیں۔
بلاول بھٹو زرداری نے شمع جونیجو کے ٹوئٹ پر اپنی غلطی کا اعتراف کیا۔
This language doesn’t suits you @BBhuttoZardari
You are way above of this dirt. Whatever filth he carries and talks, it’s not your calibre to go down to their level.
U r a Oxford graduate, Yr Grandparents,parents were Prime Minister & President of Pakistan. What is he?, nothing! pic.twitter.com/p10Sp0fC5w— Shama Junejo (@ShamaJunejo) February 2, 2019
مذکورہ ٹوئٹ پر دیگر لوگوں نے تبصرہ کرتے ہوئے بلاول بھٹو زرداری کی معذرت کو سراہا تاہم کچھ لوگوں نے تنقید کا نشانہ بھی بنایا۔
بلاول بھٹو زرداری نے گزشتہ روز کراچی پریس کلب میں صحافیوں سے بات کرتے ہوئے کہا تھا کہ ’’ اب جب بھی شیخ رشید کا ذکر ہو گا تو ہم کہیں کہ شیخ رشید پنڈی کا شیطان ہے اور آپ مجھے سے راولپنڈی کی گٹر لائن کے بارے میں پوچھیں لیکن اس انسان کے بارے میں نہیں پوچھیں۔
بلاول بھٹو کی معذرت کے باوجود آج وفاقی وزیر ریلوے شیخ رشید احمد نے بلاول بھٹو زرداری کے بیان کا جواب دیتے ہوئے کہا کہ میں بلو رانی کی فنی خرابی سے باخبر ہوں اور ان کی باتوں کا جواب پانچ تاریخ کو شکر گڑھ میں دوں گا۔ وہ اپنے والد کے اشارے پر چل نکلے ہیں۔
بعد ازاں سماجی رابطے کی ویب سائٹ ٹوئٹر سے جاری اپنے ایک پیغام میں شیخ رشید نےچیئرمین پیپلز پارٹی کو طنز کا نشانہ بناتے ہوئے کہا کہ
بلاول صاحب “لانگ گواچا” اور لانگ مارچ میں بہت بڑا فرق ہے.
— Sheikh Rashid Ahmad (@ShkhRasheed) February 3, 2019
