صوبائی دارالحکومت لاہور میں رات گئے دھند کے باعث فلائٹ آپریشن متاثر ، 2 پروازیں اسلام آباد اتار لی گئی ہیں۔
ایوی ایشن ذرائع کا کہنا ہے کہ صوبہ پنجاب میں دھند سے لاہور، ملتان، فیصل آباد کی 8 پروازیں متبادل ایئرپورٹس پر اتاری گئی ہیں۔
کراچی سے لاہورنجی ایئر لائن کی پرواز پی اے 406 اور دبئی سے لاہور پہنچی پرواز پی اے 411 کی بھی اسلام اباد اتار لیا گیا۔
دھند اور اسموگ کے باعث کئی پروازیں منسوخ ، ریل سروس بھی متاثر
ایوی ایشن ذرائع کا بتانا ہے کہ فلائٹ شیڈول کے مطابق فیصل آباد اور ملتان کی 4 پروازیں منسوخ کی گئی ہیں جبکہ ملک بھر کی 60 پروازوں تاخیر کا شکار ہیں۔
جدہ ملتان کی غیر ملکی ایئر لائن کی 2 پروازیں ایس وی 800، 801 منسوخ کی گئی ہیں، شارجہ ملتان کی پرواز پی اے 813 فیصل آباد، دبئی ایف زیڈ 392 بھی منسوخ ہوئی ہے۔
دبئی ملتان کی نجی ایئر کی پرواز پی اے 811 کراچی اتاری گئی، کراچی ملتان پرواز پی کے330 اور شارجہ فیصل آباد پرواز جی 9562 کی لاہور میں لینڈنگ ہوئی۔
دبئی فیصل آباد پرواز ایف زیڈ392 اور کراچی فیصل آباد پرواز پی کے 340 لاہور اتاری گئیں جبکہ پشاور سے دبئی کی پی آئی اے کی پرواز 283 کراچی اتاری گئی ہے۔
