ملک کے 12 اضلاع کے ماحولیاتی نمونوں میں پولیو وائرس کی تصدیق

پولیو وائرس polio virus

انسداد پولیو مہم کے باوجود ملک میں پولیو وائرس کا پھیلاؤ جاری ہے، ملک کے 12 اضلاع کے ماحولیاتی نمونوں میں پولیووائرس کی تصدیق ہوئی ہے۔

حکام کا کہنا تھا کہ 2 نئے اضلاع ڈیرہ اسماعیل خان اور بہاولپور سمیت 12 اضلاع کے ماحولیاتی نمونوں میں پولیووائرس کی تصدیق ہوئی ہے۔

سندھ میں میرپور خاص، کراچی ساؤتھ، ایسٹ اور کورنگی کے ماحولیاتی نمونوں میں پولیو وائر س کی دوبارہ تصدیق ہوئی ہے۔

اسلام آباد سمیت ملک بھر میں انسداد پولیو مہم کا آغاز ہو گیا

اس کے علاوہ خیبر پختونخوا میں لکی مروت اور پشاور جب کہ بلوچستان میں اوستا محمد، چمن، کوئٹہ اور مستونگ کے ماحولیاتی نمونوں میں بھی پولیو وائرس کی تصدیق ہوئی ہے۔

حکام کے مطابق اب تک پاکستان کے 42 اضلاع میں پولیو وائر س پھیل چکا ہے۔


متعلقہ خبریں