کراچی، ماڑی پیٹرولیم کمپنی نے سندھ میں گیس کا بڑا ذخیرہ دریافت کر لیا ہے۔
ماڑی پیٹرولیم کے مطابق گیس کا کنواں ماڑی غازج فارمیشن فیلڈ میں دریافت ہوا ہے، ماڑی پیٹرولیم نے پاکستان اسٹاک ایکسچینج کوخط کے ذریعے آگاہ کردیا ہے۔
کنوئیں سے یومیہ ساڑھے10ایم ایم سی ایف ڈی گیس حاصل کی جاسکے گی، 1483میٹرگہری کھدائی کے بعد گیس کا ذخیرہ دریافت ہوا۔
ڈالر مہنگا ہو گیا ، اسٹاک ایکسچینج میں مثبت رجحان
واضح رہے کہ فروری سے ملک کے مختلف علاقوں میں گیس کے ذخائرکی تلاش کا کام جاری ہے۔
گزشتہ روز وزیر دفاع خواجہ آصف کا کہنا تھا کہ پاک ایران گیس پائپ لائن منصوبہ مکمل کرنے کا فیصلہ کرلیا۔ گوادر سے ایرانی سرحد تک اپنے حصے کی پائپ لائن بنا رہے ہیں۔
نجی ٹی وی سے گفتگو کرتے ہوئے ان کا کہنا تھا کہ ایران کے ساتھ ایک واقعہ ہوا تھا مگر اب تعلقات مستحکم ہیں۔
عالمی مارکیٹ میں تیل کی قیمتوں میں بڑی کمی
خواجہ آصف کا کہنا تھا کہ اسرائیل کی طرف سے ایک خود مختار ملک کے سفارتخانے پر حملہ کیا گیا تھا جس کے بعد ایران کو کارروائی کا مکمل حق تھا۔
انہوں نے مزید کہاکہ پاکستان کے سعودی عرب اور یو اے ای کے ساتھ اچھے تعلقات ہیں۔
ایک سوال کے جواب میں انہوں نے کہاکہ اپوزیشن کی جنگ اقتدار میں حصے کی ہے، کیونکہ مولانا فضل الرحمان، محمود اچکزئی اور دیگر گزشتہ اتحادی حکومت میں ہمارے ساتھ تھے۔
