پاکستان تحریک انصاف کے رہنما بیرسٹر گوہر نے ایران کی جانب سے سرحدی حدود کی خلاف ورزی پر ردعمل دیتے ہوئے کہا ہے کہ پاکستان کو ایران کو وہ جواب دینا چاہئے جو کوئی بھی خودمختار ملک کو دینا چاہیے۔
میڈیا سے گفتگو کے دوران بیرسٹر گوہر نے کہا کہ تحریک انصاف کے کئی لوگوں کو کاغذات نامزدگی جمع کرنے نہیں دیا گیا، ہم چاہتے ہیں ملک میں آئند عام انتخابات صاف اور شفاف ہوں۔
شاہ محمودقریشی ،فواد چودھری، حبا فواد ،پرویز الہٰی اور صنم جاوید الیکشن کیلئے نااہل قرار
انہوں نے کہا کہ ہم نے کبھی بھی سپریم کورٹ پر عدم اعتماد کا اظہار نہیں کیا، ہم نے شکوہ شکایت سپریم کورٹ سے ہی کرنی ہوتی ہے پھر بھی سپریم کورٹ کے پاس ہی جائیں گے۔
بلاول بھٹو کے بیرون ممالک دوروں پر تنقید کرتے ہوئے رہنما تحریک انصاف کا کہنا تھا کہ بلاول غیر ملکی دورے کرتے رہے لیکن ہمسایہ ملک نہیں گئے، ہمیں دہشتگردی پر جو توجہ دینی چاہئے تھی نہیں دی گئی۔
سابق کرکٹر خالد لطیف کراچی سے تحریک لبیک پاکستان کے ٹکٹ پر الیکشن لڑیں گے
رہنما بیرسٹر گوہر نے ایران کی جانب سے سرحدی حدود کی خلاف ورزی پر کہاکہ پاکستان کو ایران کو وہ جواب دینا چاہئے جو کوئی بھی خودمختار ملک کو دینا چاہیے۔
انکا مزید کہنا تھا کہ آج رات 12بجے تک ساری لسٹ جاری کر دیں جائیں گی ، کچھ بھی ہو پاکستان تحریک انصاف 2024 کے عام انتخابات کا بائیکاٹ نہیں کرے گی۔
گوگل نے عام انتخابات کے حوالے سے صفحہ متعارف کرا دیا
خیال رہے کہ ایران کی جانب سے سرحدی حدود کی خلاف ورزی کے بعد پاکستان نے ایران سے اپنا سفیر واپس بلا لیا ہے۔ ایران کے ساتھ تمام اعلیٰ سطحی تبادلوں کو بھی معطل کرنے کا فیصلہ کیا گیا ہے ، ترجمان دفتر خارجہ کا کہنا ہے کہ پاکستانی حکام نے ایران کے تمام دورے ملتوی کردیئے ہیں ، پاکستان اور ایران کے درمیان سفارتی دوروں کو روکا جار ہا ہے۔
ایران کے پاکستان کیلئےسفیر جو اس وقت ایران میں ہی ہیں ان کو پاکستان نہ آنے کا کہہ دیا گیا ہے،پاکستان اس غیر قانونی اقدام کا جواب دینے کا حق محفوظ رکھتا ہے،نتائج کی ذمہ داری پوری طرح ایران پر عائد ہوگی۔
