پاکستان کرکٹ ٹیم کے سابق کوچ اور پاکستان کرکٹ بورڈ (پی سی بی) کی ٹیکنیکل کمیٹی کے چیئرمین مصباح الحق نے کہا ہے کہ ہمیں یہ فرق سمجھنا ہوگا کہ ٹیکنیکل کمیٹی کا قومی ٹیم کی سلیکشن سے کوئی لینا دینا نہیں ہوتا۔
اسپورٹس چینل کے پروگرام میں گفتگو کرتے ہوئے انہوں نے ورلڈکپ اسکواڈ سے متعلق دیے گئے اپنے حالیہ بیان پر وضاحت کی۔ انہوں نے کہا کہ ‘ہمیں سلیکشن کمیٹی اور ٹیکنیکل کمیٹی میں فرق سمجھنا ہوگا۔’
ورلڈکپ میں قومی ٹیم کی سیکیورٹی، بھارتی حکومت کی ذمہ داری ہے، ترجمان دفتر خارجہ
مصباح الحق کا کہنا تھا کہ سلیکشن کمیٹی کا کام ہے ٹیم سلیکٹ کرنا، ٹیکنیکل کمیٹی کا اس سے کوئی لینا دینا نہیں۔ ہمارے ہاں جیسے ہی ٹیم سلیکٹ ہوتی ہے، سب ٹیکنیکل کمیٹی کو کوسنا شروع کردیتے ہیں۔
سابق کپتان اور ٹیکنیکل کمیٹی کے سابق ممبر محمد حفیظ کے مستعفی ہونے پر بھی مصباح نے وضاحت پیش کی۔ انہوں نے بتایا کہ حفیظ نے استعفیٰ اس لیے دیا کیونکہ انکا خیال تھا کہ اگر ٹیکنیکل کمیٹی کا حصہ ہونے کے باوجود آپکی نہیں سنی جارہی تو کمیٹی میں رہنے کا کوئی فائدہ نہیں۔
محمد حفیظ کے مشورے مددگار ثابت ہوئے، مستقبل میں خدمات لیتے رہیں گے، ذکا اشرف
مصباح الحق نے مزید کہا کہ ‘میری سوچ حفیظ سے کچھ الگ ہے، میرے مطابق اگر میں 100 فیصد کسی چیز میں تبدیلی نہیں کرسکتا لیکن 10 سے 15 فیصد بھی اگر میری وجہ سے کوئی بہتری آجائے یا میری رائے انکے کام آجاتی ہے، تو یہ بھی کافی ہے۔’
Watch #MisbahUlHaq clarify his statement regarding Pakistan team selection and why Mohammad Hafeez resigned from PCB's technical committee.#ASportsHD #ARYZAP #CWC23 #WasimAkram #ShoaibMalik #MoinKhan #FakhareAlam pic.twitter.com/1bGgA3yicj
— ASports (@asportstvpk) October 4, 2023
خیال رہے کہ محمد حفیظ پی سی بی کی میٹنگ کے بعد ورلڈکپ کیلئے قومی ٹیم کے اسکواڈ کے اعلان سے ایک دن قبل بطور ٹیکنیکل کمیٹی ممبر مستعفی ہوگئے تھے۔
