مستونگ میں بم دھماکے کے نتیجے میں پی ڈی ایم کے ترجمان اور جے یو آئی ( ف) کے رہنما حافظ حمد اللہ سمیت 8 افراد زخمی ہو گئے۔
قریب ذرائع کا کہنا ہے کہ حافظ حمد اللہ منگوچڑ جارہے تھے، دھماکا چوتو کے مقام پر حافظ حمد اللہ کی گاڑی کے قریب ہوا ، حافظ حمد اللہ کو فوری طبی امداد کے لیے قریبی اسپتال لے جایا گیا۔ بعد ازاں انہیں کوئٹہ منتقل کر دیا گیا۔
پشاور میں فرنٹیئر کور کی گاڑی کے قریب دھماکا ، ایک اہلکار شہید ، 7 زخمی
پولیس اور دیگر قانون نافذ کرنے والے اداروں نے جائے وقوعہ کو گھیرے میں لے لیا ہے اور شواہد اکٹھے کیے جا رہے ہیں۔
بریکنگ نیوز: مستونگ میں چوتو کے مقام پر دھماکا،حافظ حمداللہ سمیت 8افرادزخمی
براہ راست نشریات : https://t.co/o3h2g6xCd9 pic.twitter.com/PxRnujUWFZ— HUM News (@humnewspakistan) September 14, 2023
ڈی سی مستونگ کے مطابق دھماکے میں 5 افراد زخمی ہوئے ، زخمیوں کی حالت خطرے سے باہر ہے۔
دوسری جانب جے یو آئی کے ترجمان اسلم غوری نے بتایا کہ حافظ حمد اللہ دھماکے میں معمولی زخمی ہوئے ہیں، ان کے دو گن مین بھی زخمی ہوئے ہیں۔ تاہم تشویش کی کوئی بات نہیں۔
