سابق وزیراعلیٰ پنجاب و پی ٹی آئی صدر چودھری پرویز الٰہی کو ایف آئی اے نے ایک اور کیس میں گرفتار کر لیا ہے۔
چودھری پرویز الٰہی کو گرفتاری کے بعد ضلع کچہری پہنچا دیا گیا ہے، سابق وزیراعلیٰ پنجاب کی 24 جون کو ضمانت منظور ہوئی تھی۔
منی لانڈرنگ کیس میں ضمانت منظور ہونے پر انہیں باضابطہ رہائی سے پہلے ہی وفاقی تحقیقاتی ادارے نے ایک اور کیس میں گرفتار کر لیاہے۔
عدالت کا چودھری پرویز الٰہی کو رہا کرنے کا حکم
ایف آئی اے نے چودھری پرویز الہٰی کا 14 روزہ جسمانی ریمانڈ مانگ لیا، عدالت سے استدعا کی گئی کہ ان سے تفتیش درکا ہے، عدالت جسمانی ریمانڈ فراہم کرے۔
اس موقع پر چودھری پرویز الہٰی کے وکیل نے جسمانی ریمانڈ کی مخالفت کی اور کہا کہ انہیں سیاسی بنیادوں پر دوبارہ گرفتار کیا گیاہے۔
