پاکستان تحریک انصاف (پی ٹی آئی) کے رہنما عمر سرفراز چیمہ کی اہلیہ کو احاطہ عدالت سے گرفتار کرلیا گیا۔
تفصیلات کے مطابق عمر سرفراز چیمہ کی اہلیہ انسداد دہشت گردی (اے ٹی سی) کی عدالت اُن سے ملنے کیلئے عدالت پہنچیں۔ پولیس نے کمرہ عدالت کے باہر ہی سے عمر سرفراز چیمہ کی اہلیہ کو گرفتار کرلیا۔
عمر سرفراز چیمہ کی گرفتاری کی ویڈیو سامنے آگئی
پی ٹی آئی رہنما عمر سرفراز چیمہ کو آج جوڈیشل ریمانڈ مکمل ہونے پر عدالت میں پیش کیا گیا تھا۔
خیال رہے کہ محکمہ اینٹی کرپشن پنجاب کی جانب سے پی ٹی آئی رہنما عمر سرفراز چیمہ کو 10 مئی کو لاہور میں انکے گھر سے گرفتار کیا گیا تھا۔
