آزاد کشمیر، پنجاب، خیبر پختونحوا، مشرقی وجنوبی بلوچستان میں بارش کا امکان ظاہر کیا گیا ہے جبکہ سندھ کے مختلف شہروں میں بھی موسلادھار بارش اور ژالہ باری کا امکان ہے۔
محکمہ موسمیات کے مطابق ملک کے میدانی اضلاع میں آج آندھی چلنے کا امکان ہے۔ اسلام آباد میں آندھی چلنے اور گرج چمک کے ساتھ بارش کی بھی توقع ہے۔ گلگت بلتستان میں بھی تیز ہواؤں اور گرج چمک کے ساتھ بارش کا امکان ہے۔
طوفان آج 11 بجے کیٹی بندر سے ٹکرائیگا، ملک ہیٹ ویو کی لپیٹ میں آئیگا، شیری رحمان
محکمہ موسمیات نے بتایا ہے کہ مری، گلیات، خطۂ پوٹھوہار، نارووال، سیالکوٹ، گجرات اور گوجرانوالہ میں بادل جم کر برسیں گے۔ لاہور، ساہیوال، اوکاڑہ، سرگودھا، منڈی بہاؤالدین اور فیصل آباد میں بھی بارش متوقع ہے۔ خوشاب، ملتان، ڈیرہ غازی خان، راجن پور، بہاولپور، بہاولنگر اور رحیم یار خان میں ژالہ باری متوقع ہے۔
سندھ کی بات کی جائے تو سکھر، خیرپور، گھوٹکی، نوشہرو فیروز، شہید بے نظیر آباد، جیکب آباد اور کشمور میں بارش کا امکان ہے۔ لاڑکانہ، قمبر شہدادکوٹ اور شکارپور میں بھی آندھی اور گرج چمک کے ساتھ بارش متوقع ہے۔
کراچی میں خطرناک صورتحال نہیں، آج سے تیز بارش کا امکان ہے، محکمہ موسمیات
بلوچستان کی بات کی جائے بارکھان، خضدار، لسبیلہ، پنجگور، ژوب، گوادر اور پسنی میں بھی بارش کا امکان ہے۔ اورماڑہ، اوتھل، بیلہ، خاران، مکران اور آواران میں بارش اور ژالہ باری کا امکان ظاہر کیا گیا ہے۔
