اسلام آباد: صدر مملکت ڈاکٹر عارف علوی کی اہلیہ اور خاتون اول ثمینہ علوی نے چیئرمین پاکستان تحریک انصاف عمران خان کی بہنوں سے ٹیلیفونک رابطہ کیا ہے۔
عمران خان کا 8 روزہ جسمانی ریمانڈ منظور
میڈیا رپورٹ کے مطابق ایک بیان میں ثمینہ علوی نے کہا ہے کہ آج میں نے عمران خان کی بہن علیمہ خان اور عظمیٰ خان سے فون پر بات کی ہے۔
انہوں نے کہا کہ دونوں عمران خان کی گرفتاری اور ان کی صحت پر پریشان تھیں، دونوں بہنوں نے کہا کہ عمران خان کی رہائی تک لوگ پرامن احتجاج کریں۔
خاتون اول ثمینہ علوی نے کہا کہ میں نے انہیں تسلی دی، اپنی اور صدر مملکت کی جانب سے فکر مندی اور دعاؤں کا پیغام بھی پہنچایا۔
یہ ایک انجکشن لگاتے ہیں جس سے بندہ آہستہ آہستہ مر جاتا ہے، عمران خان
ثمینہ علوی نے کہا کہ میں نے علیمہ خان اور عظمیٰ خان کو یقین دلایا ہے کہ عمران خان کی صحت اور سلامتی یقینی بنانے سے متعلق صدر مملکت کوشاں ہیں۔
