ہالی وڈ اسٹار کیانو ریوز کو یہ اعزاز حاصل ہے کہ انہوں نے فلم میں ایک لفظ کے بدلے ایک کروڑ روپے سے زائد رقم وصول کی۔
غیر ملکی خبر رساں ایجنسی کے مطابق ہالی وڈ اسٹار کیانو ریوز اس بار جان وک کی شکل میں اسکرین پر نظر آئے ہیں لیکن لوگوں کو شاید یہ معلوم نہیں کہ انہوں نے 169 منٹ کی طویل فلم جان وک 4 میں صرف 380 الفاظ ہی ادا کیے تھے۔
کیانو ریوز نے جان وک سیریز کی پہلی فلم میں 484 الفاظ ادا کیے تھے اور پھر ہر سیریز کے ساتھ الفاظ کی تعداد میں کمی ہوتی گئی۔
یہ بھی پڑھیں: رونالڈو کی گرل فرینڈ نے سعودی عرب کو ’’جنت ‘‘ قرار دے دیا
اب آنے والی نئی فلم میں ان کا طویل ترین ڈائیلاگ 14 الفاظ پر مشتمل تھا اور ہر لفظ کے بدلے انہیں 39 ہزار 473 ڈالر (پاکستانی ایک کروڑ 11 لاکھ روپے) معاوضہ ملا۔ یعنی اس فلم میں انہیں کام کرنے کے لیے ڈیڑھ کروڑ ڈالرز (پاکستانی 4 ارب 25 کروڑ روپے) معاوضہ ملا۔
کیانو ریوز کو سیریز کے پہلے حصے میں کام کرنے کے لیے 20 لاکھ ڈالرز تک دیئے گئے تھے۔
