کراچی: پشتون تحفظ موومنٹ (پی ٹی ایم) کے رہنما اور رکن قومی اسمبلی علی وزیر کو سینٹرل جیل کراچی سے رہا کردیا گیا ہے۔
رکن قومی اسمبلی علی وزیر کو 31 دسمبر 2020 کو سینٹرل جیل کراچی منتقل کیا گیا تھا، ان پربغاوت اور اشتعال انگیز تقاریر کرنے پر صوبہ خیبرپختونخوا میں بھی مقدمات درج ہیں۔
محسن داوڑ اور علی وزیر چوکی پر حملے کے ذمہ دار قرار، رپورٹ
کراچی سینٹرل جیل کے مرکزی دروازے پر علی وزیر کے استقبال کیلئے پشتون تحفظ موومنٹ کے کارکنان کی بڑی تعداد موجود تھی جس نے ان کے حق میں نعرے بازی بھی کی۔
