افغانستان پر طالبان کی جانب سے کنٹرول حاصل کرنے کے بعد بچیوں کے اسکول کھل گئے، اسکارف اور برقعہ پہنے بچیاں اسکول جانے لگیں۔
قطر میں قائم طالبان کے سیاسی دفتر کے ترجمان سہیل شاہین نے سوشل میڈیا پر ایک ویڈیو شیئر کردی ہے جس میں اسکارف اور برقعہ پہنے لڑکیوں کو اسکول جاتے ہوئے دیکھا جا سکتا ہے۔
ویڈیو کے ساتھ سہیل شاہین نے پیغام میں لکھا ہے کہ نئے افغانستان میں اسکول کھل گئے ہیں۔
Back to School in a New Afghanistan. pic.twitter.com/KwFKykzBIa
— Suhail Shaheen. محمد سهیل شاهین (@suhailshaheen1) August 23, 2021
خیال رہے کہ افغانستان میں طالبان کی جانب سے کنٹرول حاصل کرنے کے بعد خدشہ ظاہر کیا جارہا تھا کہ شاید وہ بچیوں اور لڑکیوں کے لیے تعلیم کے دروازے بند کردیں۔ تاہم طالبان کی جانب سے لوگوں پر زور دیا جارہا ہے کہ وہ ملک چھوڑ کر نہ جائیں اور افغانستان کی تعمیر نو میں اپنا کردار ادا کریں۔
اس سے قبل سہیل شاہین نے ایک خلیجی ویب سائٹ کو انٹرویو دیتے ہوئے کہا تھا کہ مستقبل میں خواتین کی تمام شعبوں میں رسائی ہوگی۔
ایک سوال کے جواب میں انہوں نے کہا تھا میڈیا میں کام کرنے والی خواتین کی مرضی ہے کہ وہ اسکارف لیتی ہیں اور یا از خود نقاب پہنتی ہیں۔