دنیا کی سب سے بڑی کوئلہ کمپنی کول انڈیا لمیٹڈ نے کوئلے کی بجائے شمسی توانائی سے بجلی پیدا کرنے کے حوالے سے کام شروع کردیا ہے۔
گرین ہاؤس گیسوں کی بڑھتی ہوئی مقدار پر قابو پانے کے لیے کول انڈیا لمیٹد سرکاری کمپنی این ایل سی انڈیا لمیٹد کے ساتھ مشترکہ منصوبے کے تحت 3 ہزار میگاواٹ بجلی پیدا کرے گا جس کا مقصد کان کنی کے کاموں اور کوئلے سے بجلی کی پیداوار اور اس سے جڑے اخراجات کو کم کرنا۔
برطانوی نشریاتی ادارے بی بی سی کے مطابق کول انڈیا لمیٹڈ 2024 تک 14 شمسی منصوبوں کی تعمیر کے لیے 125 بلین روپے کی سرمایہ کاری کرے گا۔ ان منصوبوں پر سرکاری سطح پر کام کرنے والی کمپنی رقم کا تقریبا ادھا حصہ دے گی۔
رپورٹ کے مطابق این ایل سی انڈیا لمیٹڈ مشترکہ منصوبے کے لیے کول انڈیا لمیٹد کو شمسی توانائی کے منصوبوں کی توسیع کے لیے مالی اعانت فراہم کرے گا۔
شمسی توانائی کے اقدام سے کول انڈیا لمیٹڈ کو کوئلے سے اپنے سالانہ بجلی پیدا کرنے کے اخراجات کو کم کرنے میں مدد ملے گی۔
مزید پڑھیں: کراچی میں گیس کی عدم فراہمی، صنعتیں کوئلہ اور لکڑی سے چلانے کا فیصلہ
کول انڈیا لیمیٹد کا کہنا ہے کہ کمپنی مستقبل میں شمسی نیلامیوں میں بھی حصہ لے گی اور صاف بجلی کے منصوبوں کی بولی میں سب سے کم قیمت کی پیشکش کرے گی۔
