روایتی حریف پاکستان اور بھارت کے درمیان کرکٹ مقابلہ ختم ہوئے کئی گھنٹے گزر گئے اور دونوں ٹیموں کے کھلاڑی اگلی مہم کے لیے کمر کس رہے ہوں گے لیکن مجال ہے کہ سوشل میڈیا صارفین کا غصہ کم ہوا ہو۔
قومی ٹیم کے کپتان سرفراز پر تو میچ کے دوران ہی تنقید شروع ہو گئی تھی جب کیمرے کی آنکھ نے انہیں جمائی لیتے ہوئے ساری دنیا کو دکھا دیا۔
سرفراز پر ہلکی پھلکی تنقید تو اسی وقت شروع ہو گئی تھی جب انہوں نے ٹاس جیت پہلے گیندبازی کا فیصلہ کیا جو انتہائی غلط ثابت ہوا۔ بعدا ازاں جمائی لیتے ہوئے ’پکڑے گئے‘ پھر تو ایسا لگ رہا تھا جیسے صارفین نے ٹی وی چھوڑ کر ٹوئٹر کا محاذ سنبھال لیا۔
#IndiaVsPakistan #INDvPAK
Now I know why sarfaraz choose to bat pic.twitter.com/iHSSJNl9aK— Don Pablo (@pagalchoro) June 16, 2019
قومی ٹیم کی صورتحال سے بیزار اور نیند کی جمائیاں لیتی عوام نے میچ کا نتیجہ بھول کر سرفراز کو تنقید کا ہدف بنایا اور کپتان کی جمائی کی جم کر کلاس لی۔
ایک صارف نے تو کمال مہارت کے ساتھ گرین شرٹس کے کپتان کے لیے میدان میں ہی بستر کا بھی اہتمام کر دیا۔
Good night guys ?❤️ #INDvPAK #IndiaVsPakistan pic.twitter.com/y31uX0PhZm
— ajay (@Ajayhumainhehe) June 16, 2019
کپتان کی جمائی پر حملے کم نہیں ہوئے تھے کہ کسی نا ہنجار نے بھارت کے جوائی (شعیب ملک) کی ایک ویڈیو ٹوئٹرپرڈال دی جس میں وہ دیگر کھلاڑیوں کے ساتھ بیٹھ کر کھانا کھا رہے ہیں اور شیشے کا دھواں بھی اڑ رہا ہے۔
صارف نے ویڈیو کے ساتھ لکھا کہ میچ سے سات گھنٹے قبل شعیب ملک دوسرےکھلاڑوں کے ہمراہ شیشہ پی رہے تھے۔
یہ بھی پڑھیں: پاکستان کی بھارت کیخلاف ایک اور شکست، ٹوئٹر پر مزے مزے کے تبصرے
مذکورہ ویڈیو دیکھتے ہی دیکھتے سوشل میڈیا پر یوں پھیلی کہ صارفین نے سرفراز کی جمائی بھول کر بھارت کے جوائی(داماد) کو تنقید کا ہدف بنا لیا۔
پھر تو صارفین کو بھارت کے خلاف داماد کا صفر پر آؤٹ ہونا بھی یاد آ گیا اور انضام الحق کا بھانجا امام الحق بھی تنقید سے نہ بچ پایا جسے مذکورہ ویڈیو میں دیکھا جا سکتا ہے۔
Shoaib Malik with other team players was smoking Sheesha on Wilmslow Road, Manchester, on Sunday morning – 7 hours before the start of match against India ?#IndiaVsPakistan #PAKvsIND @TheRealPCB @hansbadvi pic.twitter.com/o8MekodEc0
— Abdul QaDeer (@abdul099) June 16, 2019
پھر کون مائی کا لال تھا جو سوشل میڈیا صارفین کا گھوڑا کسی اور طرف موڑے حتی کہ کچھ نے تو پاکستان کی بہو ثانیہ مرزا کو بھی ’گھسیٹ‘ کر بحث کا حصہ بنا دیا۔
بات یہاں تک پہنچ گئی کہ شعیب ملک کی اہلیہ کو میدان ٹوئٹر میں اتر کر وضاحت دینی پڑی۔ انہوں نے اپنے اکاؤنٹ پر ٹویٹ کیا’ آپ کی اطلاع کیلیے عرض ہے کہ ہم کھانا کھا رہے تھے اور میچ ہارنے کی بعد بھی لوگوں کو کھانا کھانے کی اجازت ہے۔
?That’s the video you shot without asking us,disrespecting our privacy even though we had a child with us?& got told off for doing so,& u came up with this crap?FYI ‘outing’ was dinner & yes ppl are allowed to eat if they lose a match!Bunch of fools!Try better content nxt time? https://t.co/51gnkMWUYu
— Sania Mirza (@MirzaSania) June 15, 2019
میچ ختم ہوئے گھنٹوں بیت گئے، ناظرین کو پاکستان کی خراب فلیڈنگ اور سرفراز کا غلط فیصلہ بھی بھول گیا لیکن جمائی اور جوائی پر تنقید تادم تحریرجاری ہے۔