اسلام آباد: پاکستان انٹرنیشنل ائیر لائن کی انتظامیہ سے گمشدہ ہوا افغان سفیرعمر ذخیلوال کا سفری بیگ مل گیا۔
پاکستان میں تعینات افغان سفیرعمر ذخیلوال نے اپنے گمشدہ بیگ کے حوالے سے اپنے ٹوئٹر اکاؤنٹ میں لکھا تھا کہ پی آئی اے انتظامیہ کی جانب سے ہفتے میں دوسری بار ان کا بیگ لا پتا ہوا ہے، افغان سفیر نے سوال کیا کہ کیا یہ واقعہ اتفاقیہ ہے یا بد انتظامی ہے؟
Second time in a row in a week my suitcase goes missing on Islamabad-Kabul PIA flight and then ends up in UK – could it be just coincidental mismanagement?
I find it very annoying to say the least! @Official_PIA pic.twitter.com/aR1dSc8KOx— Dr Omar Zakhilwal (@DrOmarZakhilwal) October 25, 2018
سماجی رابطے کی سائٹ ٹویٹر پر پوسٹ لگتے ہی پی آئی اے کی انتظامیہ ہوش میں آگئی اور فوری کارروائی کرتے ہوئے افغان سفیر کے لا پتا ہوئے بیگ کا پتا لگا لیا۔
پی آئی اے ذرائع کے مطابق افغان سفیر کا بیگ کابل کے بجائے پی آئی اے کی پرواز پی کے 791 سے برمنگم پہنچ گیا تھا، جس پر اب پی آئی اے حکام نے افغان سفیر کا بیگ پی آئی اے کی دوسری پرواز سے پی کے 792 سے واپس منگوا لیا ہے۔
ذرائع کے مطابق افغان سفیر نے آج کابل ائیر پورٹ پر پی آئی اے کے انچارج عامر کمال سے ملاقات بھی کی جس میں انھوں نے اپنے گمشدہ بیگ کے حوالے سے معلومات لیں۔
ملاقات میں افغان سفیر کو بتایا گیا کہ آج کے دن پی آئی اے کی کابل کے لیے کوئی پرواز نہیں ہے اس لیے افغان سفیر کا بیگ کسی دوسری نجی ائیر لائن کے زریعے ان تک پہنچایا جائے گا۔
