بیجنگ: پاک فوج کے سربراہ جنرل قمر جاوید باجوہ نے کہا ہے کہ چین نے ہمیشہ پاکستان کے ساتھ تعاون کیا ہے اور ہر مشکل گھڑی میں ہمارا ساتھ دیا ہے۔
فوج کے شعبہ تعلقات عامہ (آئی ایس پی آر) کے مطابق اپنے دورہ چین کے دوران پاک فوج کے سربراہ نے چینی نائب چیئرمین برائے سیںٹرل ملٹری کمیشن جنرل ژینگ سے ملاقات کے دوران چین کے تعاون پر ان کا شکریہ ادا کیا۔
COAS met Gen Zhang Youxia, VC CMC. Both discussed areas of furthering bilateral military cooperation. Gen Zhang termed Pak-China mil coop an imp pillar of bilateral relations which should be further strengthened to safeguard common security challenges. pic.twitter.com/vV0NErCmuR
— Maj Gen Asif Ghafoor (@OfficialDGISPR) September 18, 2018
اس موقع پر جنرل ژینگ نے کہا کہ چین پاکستان کے ساتھ اپنے تعلقات کو بہت اہمیت کی نگاہ سے دیکھتا ہے اور انہیں مزید وسیع ہونا چاہیئے۔
انہوں نے کہا کہ پاک چین اقتصادی راہداری ( سی پیک) منصوبہ دونوں ممالک کے عوام کے لیے خوشحالی لائے گا۔ پاک چین افواج کے درمیان تعاون دونوں ممالک کے تعلقات کی مضبوطی کے لیے اہم ستون ہے اور مشترکہ سیکیورٹی چیلنجز سے نمٹنے کے لیے ان تعلقات کو مزید مضبوط بنانے کی ضرورت ہے۔
ملاقات میں دونوں ممالک کی عسکری قیادت نے انسداد دہشت گردی، فوجی ساز وسامان کی ٹیکنالوجی اور فوجی تعاون مزید بڑھانے پر اتفاق کیا۔
چین میں تعینات پاکستانی سفیر بھی اس موقع پر موجود تھے۔
