اسلام آباد: وزیراعظم کے مشیر برائے پارلیمانی امور بابر اعوان نے اپنے عہدے سے استعفیٰ دے دیا ہے، انہوں نے نندی پور پراجیکٹ کے حوالے سے قومی احتساب بیورو (نیب) ریفرنس میں اپنا نام آنے کی وجہ سے یہ استعفی دیا ہے۔
سماجی رابطے کی ویب سائٹ پر ٹویٹ میں بابر اعوان نے کہا کہ انہوں نے اپنے ہاتھ سے استعفیٰ لکھ کر کپتان کو دے دیا ہے، اب وہ ڈٹ کر عدالت میں اپنی بے گناہی ثابت کریں گے۔
کرسی سے چمٹے رہنے کے بجائے، ہاتھ سے استعفٰی لکھ کر اپنے کپتان کو دے دیا ہے، عدالت میں ڈٹ کر نے گناہی ثابت کروں گا۔
وَتُعِزُّ مَن تَشَاءُ وَتُذِلُّ مَن تَشَاءُۖ— Babar Awan (@BabarAwanPK) September 4, 2018
پی ٹی آئی رہنما نے مزید کہا کہ انہوں نے ڈی جی آپریشنز نیب ظاہر شاہ سے کئی بار دفاع کا حق مانگا لیکن ان کے خلاف شروع سے آخر تک یک طرفہ کارروائی ہوئی۔
ابھی وزیرِاعظم ہاؤس پہنچا ہوں، وزراتِ پارلیمانی امور سے استعفٰی دینے کے لئے pic.twitter.com/y7NSh6xTw8
— Babar Awan (@BabarAwanPK) September 4, 2018
ان کا یہ بھی کہنا تھا کہ وہ صرف استعفیٰ دینے کے لیے وزیراعظم ہاؤس گئے ہیں۔
ڈی جی آپریشنز نیب ظاہر شاہ سے بارہا دفاع کا حق مانگا۔ میرے خلاف پہلے دن سے آخری دن تک یکطرفہ کاروائی ہوئی۔ کمیشن، انکوائری، انوسٹیگیشن میں نہ بلایا گیا۔ سارے قانونی آپشن استعمال کروں گا
— Babar Awan (@BabarAwanPK) September 4, 2018
