واشنگٹن: امریکی ہواباز کمپنی کا مسافر طیارہ مبینہ طور پر کمپنی ہی کے ایک ملازم نے بغیر اجازت اڑایا جو کچھ دیر بعد کیٹرون نامی جزیرے پر گر کر تباہ ہو گیا۔
واقعہ سے قبل یہ رپورٹس سامنے آئیں کہ ہوریزن کمپنی (الاسکا ایئر) کا ایک جہاز بغیر اجازت سی ٹیک ایئرپورٹ سے اڑایا گیا ہے جس کے بعد امریکہ کے بڑے فضائی اڈوں میں سے ایک پر دیگر جہازوں کے اڑان بھرنے پر پابندی عائد کر دی گئی تھی۔
ایئرپورٹ سے دیگر مقامات کی جانب طے شدہ سفر کرنے والے مسافروں کو فلائٹس روکنے جانے کی وجہ بتاتے ہوئے کہا گیا تھا کہ ہوریزن ایئرلائن کا ایک جہاز بغیر اجازت اڑایا گیا ہے اور امریکی فضائیہ کے طیارے اسے روکنے کی کوشش کر رہے ہیں۔
ایک امریکی صحافی ایلیسن گرینڈے کا کہنا تھا کہ چیمبرز بے گالف کلب پر موجود کچھ لوگوں نے ایف 15 جنگی طیاروں کو بغیر اجازت اڑائے گئے جہاز کا تعاقب کرتے دیکھا ہے۔ انہوں نے دھواں اٹھتے اور دھماکے کی اونچی آواز بھی سنی ہے، عینی شاہدین کا خیال ہے ہوریزن ایئر کا طیارہ اینڈرسن جزیرے پر گر کر تباہ ہو گیا ہے۔
We are now headed to Chambers Bay Golf Club where people witnessed F-15s chasing plane, then saw smoke. Another witness says they also heard a loud boom. Witness thinks it crashed on Anderson Island. @KIRO7Seattle https://t.co/eip2e0KEj1
— Alison Grande (@AlisonKIRO7) 11 August 2018
ایک اور امریکی صحافی گیری ہارچر نے معاملہ کے متعلق گفتگو کرتے ہوئے کہا کہ طے شدہ پرواز کے لیے تیار جن جہازوں کو گراؤنڈ کرتے ہوئے پرواز سے منع کیا گیا تھا انہیں اب اڑان بھرنے کی اجازت دے دی گئی ہے جس کے بعد جہازوں کو اپنے سفر پر روانہ ہوتے دیکھا گیا ہے۔
Passengers onboard grounded aircraft are now being cleared for take off. We’re seeing planes take off now–after a Horizon airliner took off w/out permission. Working to confirm reports of a crash around JBLM. pic.twitter.com/oCVHfnVwrd
— Gary Horcher (@GaryKIRO7) 11 August 2018
سی ٹیک ایئرپورٹ کی جانب سے ٹوئٹر پر جاری کردہ پیغام میں کہا گیا ہے کہ ایک ایئرلائن کے ملازم نے مسافر طیارہ بغیر اجازت اڑایا جو جنوبی پگیٹ ساؤنڈ کے علاقہ میں گر کر تباہ ہو گیا ہے۔ پیغام میں واضح کیا گیا ہے کہ جہاز پر کوئی مسافر سوار نہیں تھا اور فضائی اڈے پر معمول کی سرگرمیاں بحال ہو چکی ہیں۔
An airline employee conducted an unauthorized takeoff without passengers at Sea-Tac; aircraft has crashed in south Puget Sound. Normal operations at Sea-Tac Airport have resumed.
— Sea-Tac Airport (@SeaTacAirport) 11 August 2018
ہوریزن ایئر کے ملکیتی ادارے الاسکا ایئر گروپ کی جانب سے بھی ٹوئٹر پر پیغام جاری کیا گیا جس میں کیو 400 مسافر طیارے کو بغیر اجازت اڑائے جانے کے واقعہ کی تصدیق کرتے ہوئے یقین ظاہر کیا گیا ہے کہ جہاز پر کوئی مسافر سوار نہیں تھا۔
We are aware of an incident involving an unauthorized take-off of a Horizon Air Q400. We believe there are no passengers on board. More information as we learn more.
— Alaska Airlines (@AlaskaAir) 11 August 2018
ایک الگ پیغام میں الاسکا ایئرلائنز کا کہنا تھا کہ ہوریزن ایئر کا کیو 400 طیارہ جو سی ٹیک ایئرپورٹ سے آٹھ بجے (امریکی وقت) بغیر اجازت اڑایا گیا تھا پئیرس کاؤنٹی میں واقع کیٹرون جزیرے میں گر کر تباہ ہو گیا ہے۔ جہاز میں کوئی مسافر یا عملے کا کوئی رکن سوار نہیں تھا۔
پئیرس کاؤنٹی شیرف آفس کی جانب سے جاری کردہ پیغام میں کہا گیا ہے کہ جہاز اڑانے والا 29 سالہ مرد تھا جو اسی علاقے کا مکین ہے۔ واقعہ کو خودکشی کی کوشش قرار دیتے ہوئے واضح کیا گیا ہے کہ یہ دہشتگردی کا معاملہ نہیں ہے۔ واقعہ میں ایک ہی فرد ملوث ہے کسی اور کا کردار نہیں ہے۔
Male is confirmed a suicidal male. Acted alone he is 29 year old Pierce county residence . We are working back ground on him now.
— Pierce Co Sheriff (@PierceSheriff) 11 August 2018
سی ٹیک امریکی ہوائی اڈوں میں نواں مصروف ترین ایئرپورٹ شمار کیا جاتا ہے، جس نے گزشتہ برس چار کروڑ69 لاکھ مسافروں کو سفری خدمات فراہم کرنے کے علاوہ چار لاکھ 25 ہزار 800 میٹرک ٹن سامان بھی منتقل یا موصول کرنے کی سہولت فراہم کی۔
الاسکا ایئر کی جانب سے اپنی ملکیتی ہواباز کمپنی کے مسافر طیارے کے ساتھ پیش آنے والے واقعہ کے متعلق 43 سیکنڈ کا ویڈیو پیغام بھی جاری کیا گیا ہے جس میں ادارے کی چیف ایگزیکٹو افسر نے آفیشل موقف سے آگاہ کیا ہے۔
ہوریزن ایئر علاقائی ہواباز کمپنی ہے جو سی ٹیک، واشنگٹن سے مسافروں کو فضائی سفر کی خدمات فراہم کرتی ہے۔
