فیلڈ مارشل سید عاصم منیر نے مصر کا سرکاری دورہ کیا ،دورے کا مقصد عسکری تعاون اور دفاعی اشتراک کو فروغ دینا تھا۔
آئی ایس پی آر کے مطابق آرمی چیف کی مصری وزیر دفاع جنرل عبدالمجید صقر سے ملاقات ہوئی ، انہوں نے مصری مسلح افواج کے چیف آف اسٹاف سے بھی ملاقات کی جس میں باہمی دلچسپی کے امور ،علاقائی سلامتی کی صورتحال اور دو طرفہ دفاعی تعاون پر تبادلہ خیال کیا گیا۔
قبل ازیں فیلڈ مارشل سید عاصم منیر کا وزارت دفاع آمد پر پر تپاک استقبال کیا گیا،فیلڈ مارشل سید عاصم منیر کو گارڈ آف آنر پیش کیا گیا۔
اس موقع پر فیلڈ مارشل سید عاصم منیرکا کہنا تھا کہ مصر پاکستان کا برادر ملک ہے ،دو طرفہ تعاون سے دونوں ملکوں کے عوام کو فائدہ پہنچے گا،دونوں ملکوں کے درمیان تعاون سے خطے میں امن اور استحکام کو مدد ملے گی۔
فیلڈ مارشل سید عاصم منیر نے جامعہ الازہر کے شیخِ اعظم احمد الطیب سے بھی ملاقات کی،شیخِ الازہر نے امتِ مسلمہ کو درپیش چیلنجز پر اظہارِ خیال کیا۔فیلڈ مارشل نے انتہا پسندانہ نظریات اور اسلام کی مسخ شدہ تشریحات کے خاتمے پر زور دیا۔
فیلڈ مارشل نے گمنام سپاہی کی یادگار اور سابق صدر انور السادات کی قبر پر پھول بھی چڑھائے۔
مزید پڑھیں:امریکی صدر ٹرمپ نے آرمی چیف عاصم منیر کو پسندیدہ فیلڈ مارشل قرار دے دیا
میڈیا ہمارا فخر،بھارتی میڈیا کو جو جواب دیا وہ یادگار ہے، آرمی چیف
