اسلام آباد: حکومت نے آئندہ عام انتخابات میں سمندر پار پاکستانیوں کے لیے انٹرنیٹ ووٹنگ کے امکان کو مسترد کر دیا۔
وزیر قانون اعظم نذیر تارڑ کی جانب سے انتخابی اصلاحات سے متعلق پارلیمانی کمیٹی کے ان کیمرہ اجلاس کے بعد اس امکان کو مسترد کردہا کہ بیرون ملک مقیم پاکستانی شہری آئندہ عام انتخابات میں انٹرنیٹ کے ذریعے ووٹ ڈال سکیں گے۔
انہوں نے کہا کہ ووٹ ڈالنے کے خواہشمند سمندر پار پاکستانیوں کو ایسا کرنے کا حق ہے لیکن چونکہ کمیٹی کی رپورٹ اور سپریم کورٹ کی رپورٹ میں کہا گیا کہ انٹرنیٹ ووٹنگ ممکن نہیں تھی، اس لیے پائلٹ پراجیکٹس کی اجازت نہیں دی جائے گی۔
واضح رہے کہ بیرون ملک مقیم پاکستانیوں کے حق رائے دہی کو منسوخ کرنے اور عام انتخابات میں الیکٹرانک ووٹنگ مشینوں (ای وی ایم) کے استعمال کو روکنے کے لیے انتخابی ترمیمی بل 2022 پاکستان کی قومی اسمبلی نے گذشتہ سال مئی میں منظور کیا تھا۔
یہ بھی پڑھیں: اصل حقائق سامنے آ رہے ہیں، مولانا فضل الرحمان
گزشتہ حکومت نے عام انتخابات کے لیے ای وی ایم کے استعمال کی منظوری دی تھی۔ جس میں بیرون ملک مقیم پاکستانیوں کو ووٹ ڈالنے کا حق دیا گیا تھا اور اس وقت حکومت کا مؤقف تھا کہ بیرون ملک مقیم پاکستانی ملک کا سابقہ اثاثہ ہیں اور وہ ان سے ووٹ کا حق چھیننا نہیں چاہتی۔
ملک میں آئندہ انتخابات اس سال کے آخر میں ہونے والے ہیں۔ موجودہ مخلوط حکومت اگست میں اپنی مدت پوری کر لے گی اور نگراں سیٹ اپ کو راستہ دے گی۔
