وفاقی وزیر داخلہ رانا ثنا اللہ نے کہا ہے کہ چودھری پرویز الہٰی کے گھر پراینٹی کرپشن نے چھاپہ مارا ہے ، اس سارے معاملے میں وفاقی حکومت کا کوئی تعلق نہیں ۔
ہم نیوز کے مطابق رانا ثنا اللہ کا کہنا تھا کہ پرویزالہٰی کے گھر پر چھاپے کو ٹھیک نہیں سمجھتا، کل پرویزالہٰی سارادن لاہور میں پھرتے رہے گرفتار کرنا تھا تو وہاں سے کرتے۔
پی ٹی آئی نے حکومت کیساتھ مذاکرات جاری رکھنے سے متعلق بڑا اعلان کردیا
گھر کا گیٹ توڑنا، چادر اور چاردیواری کا تقد س پامال کرنا کوئی اچھی بات نہیں،چادر اور چار دیواری کا خیال رکھنا چاہئے۔
نگران حکومت کی ذمہ دار ی ہے، انہیں جواب دینا چاہئے،جب یہ واقعہ ہوا تو میں نے فوری طور پر سی سی پی او کو فون کیا۔
پولیس کا چھاپہ، پرویز الہٰی کے گھر سے ملازمین گرفتار
میں نے آئی جی سے بھی رابطہ کرنے کی کوشش کی ،پنجاب پولیس خود سے یہ سارا کام کر رہی ہے، میری اطلاعات کے مطابق پرویزالہٰی گھر پر نہیں تھے۔
وفاقی وزیر داخلہ نے مزید کہا کہ ہم آئی ایم ایف کی شرائط پوری نہیں کر پار ہے، معاشی حالات دگرگوں ہیں،بجٹ کا معاملہ نگران حکومت پر نہیں چھوڑا جا سکتا۔
تمام اسمبلیوں کو اپنی مدت پوری کرنی چاہیے ، عمران خان نے جو خود کش حملہ کیا اس میں ان کی جیکٹ نہیں پھٹ سکی ۔
عمران خان کی گرفتاری مشکل کام نہیں، جب فیصلہ کیا ہوجائے گی، رانا ثنااللہ
بجٹ اور اسمبلی کی مدت میں 20،22 دن کا فرق ہے ، اگر پی ٹی آئی بجٹ پر مان جاتی ہے تو الیکشن کا لائحہ عمل بنایا جائےگا ،حکومت اجازت دے تو ثاقب نثار کو گرفتار کرنا چاہیے ۔
ثاقب نثار نے ملک کا بیڑا غرق کیا ہے ، ثاقب نثار کیخلاف انکوائری ہونی چاہیے اور ان کو بیٹے سمیت گرفتار کرنا چاہیے ۔
