پنجاب اسمبلی کا علامتی اجلاس،حمزہ شہباز وزیراعلیٰ منتخب، مریم آبدیدہ ہو گئیں

April 7, 2022
ویب ڈیسک

وفاق کے بعد پنجاب میں بھی آئینی بحران نے سر اٹھا لیا۔ وزیراعلیٰ پنجاب کے انتخاب کےلیے ڈپٹی سپیکرپنجاب اسمبلی نے آج اجلاس بلایا لیکن ترجمان پنجاب اسمبلی کے مطابق اجلاس 16 اپریل کوہی ہوگا۔

جس کے بعد مسلم لیگ ن نے شام ساڑھے 7 بجے پنجاب اسمبلی جانے کا اعلان کردیا۔ اس پر سپیکرپنجاب اسمبلی پرویزالہٰی نے اسمبلی کوتالے لگوادیئے۔

مسلم لیگ ن اور اتحادیوں کا علامتی اجلاس لاہورکے فلیٹیزہوٹل میں منعقد ہوا جہاں خبروں میں گردش خاتون اول کی دوست فرح کے سسر چوہدری اقبال گجر نے حمزہ شہباز کو وزیراعلیٰ پنجاب منتخب کرنے کی قرارداد منظور کی، جس 199 ارکان نے منظور کرلیا گیا۔

علامتی اجلاس میں اپوزیشن اتحاد، جہانگیر ترین اور عبدالعلیم خان گروپ کے ارکان نے شرکت کی۔  مریم نواز بھی حمزہ سے اظہار یکجہتی کیلئے مقامی ہوٹل پہنچی تھیں۔ اس دوران انہوں نے بس میں بھی ارکان اسمبلی کے ہمراہ سفر کیا اور اجلاس کیلئے مختص ہوٹل گئیں۔

ہوٹل میں وزیر اعلی منتخب ہونے کے بعد مریم نواز، حمزہ شہباز کو مبارکباد دیتے ہوئے گلے لگ کر آبدیدہ ہو گئیں، جسے مریم اورنگزیب نے ٹوئٹ بھی کیا۔

اس انتخاب کی آئینی حیثیت تو ابھی طے نہیں ہوئی مگر اپوزیشن کے مطابق انہوں نے اپنے امیدوار کو آئینی اجلاس میں منتخب کرلیا ہے۔

مسلم لیگ ن کے رہنما حمزہ شہباز نے اجلاس کے بعد پریس کانفرنس میں کہا کہ جیسے وفاق میں آئین کے ساتھ ہوا ویسے ہی پنجاب میں چار دن سے غیر مستحکم سیاسی صورت حال جاری ہے۔

انہوں نے کہا کہ تاریخ چیخ چیخ کر گواہی دے گی کہ کیسے عوام کو اپنی صوبائی اسمبلی کے لیڈر کا انتخاب نہیں کرنے دیا گیا۔


ٹیگز :
متعلقہ خبریں

ریاست ہے تو سیاست ہے، سب کو بلاتفریق دہشت گردی کیخلاف یک جا ہونا ہو گا، آرمی چیف

مارچ یااپریل میں بجلی کی قیمت کم کی جائے گی،ایس ایم تنویر

اووو اووو والا احتجاج پسند نہیں ہے، ایسے تو گیدڑ کرتے ہیں، شیر افضل مروت