آسٹریلوی کپتان ایرون فنچ کا کہنا ہے کہ شکر ہے اب بابر کو بالنگ نہیں کروانا پڑے گی۔
صرف پاکستانی ہی بابر اعظم کے پرستار نہیں بلکہ غیر ملکی کرکٹرز بھی ان کی بیٹنگ کے دیوانے ہیں اور ان میں ایک نام آسٹریلوی کپتان ایرون فنچ کا بھی ہے۔
ٹی ٹوئنٹی میچ کے اختتام پر ایرون فنچ نے بابر اعظم کی بیٹنگ کی انوکھے انداز میں تعریف کی۔
واحد ٹی ٹوئنٹی میچ میں فتح حاصل کرنے کے بعد جب ایرون فنچ کو مین آف دی میچ کا ایوارڈ دیا گیا تو انہوں نے کہا شکر ہے کہ ہمیں اب کچھ عرصے تک بابر کو بالنگ نہیں کروانی پڑے گی۔
ایرون فنچ اس سے قبل بابر اعظم کو بگ بیش میں شامل کرنے کی خواہش کا بھی اظہار کر چکے ہیں۔ وہ میلبرن رینیگیڈز کی طرف سے کھیلتے ہیں اور انہوں نے کہا تھا کہ ان کی خواہش ہے بابر اعظم بھی اس فرنچائز کا حصہ بنیں۔
ایرون فنچ نے دورہ پاکستان کے حوالے سے کہا کہ یہ بلاشبہ ایک یادگار دورہ تھا، آسٹریلیا کے لیے یہ دورہ بہت اچھا رہا کیونکہ بہت سے باصلاحیت کھلاڑیوں کو موقع ملا۔
