اسلام آباد: حکومت نے پٹرولیم مصنوعات قیمتیں برقرار رکھنے کا فیصلہ کیا ہے۔ اس بات کا اعلان وزیراعظم عمران خان کے معاون خصوصی شہباز گل نے کیا ہے۔
احساس ہے مہنگائی کی وجہ سےتنخواہ دار طبقہ مشکل میں ہے، وزیراعظم
وزیراعظم نے پٹرول 11 روپے ڈیزل 14 روپے بڑھانے کی سمری کو منظور نہیں کیا۔ وزیراعظم نے کہا کہ پوری دنیا میں بڑھتی مہنگائی کی وجہ سے تیل کی قیمتیں بڑھ رہی ہیں لیکن پاکستانی عوام کو اس مہنگائی سے بچانے کے لئے حکومت ہر ممکن کوشش کرے گی۔ اس لئے وزیراعظم نے اس سمری کو ڈیفر کردیا۔
— Dr. Shahbaz GiLL (@SHABAZGIL) January 31, 2022
ہم نیوز کے مطابق شہباز گل نے سماجی رابطوں کی ویب سائٹ ’ٹوئٹر‘ پر جاری کردہ اپنے بیان میں کہا ہے کہ وزیراعظم نے اوگرا کی جانب سے پٹرولیم مصنوعات کی قیمتوں میں اضافے کی تجویز مسترد کردی ہے۔
پیٹرولیم مصنوعات کی قیمتوں میں13 روپے 39 پیسے فی لیٹر تک اضافے کا امکان
شہباز گل کے مطابق وزیراعظم عمران خان نے پیٹرول 11 روپے اور ڈیزل 14 روپے فی لیٹر بڑھانے کی سمری کو منظور نہیں کیا ہے۔
اس وقت حکومت اس بڑھتی قیمت کا بوجھ اپنے اوپر لے گی اور عوام کو اس سے بچانے کی کوشش کرے گی۔
— Dr. Shahbaz GiLL (@SHABAZGIL) January 31, 2022
انہوں نے کہا کہ وزیراعظم نے اس حوالے سے کہا ہے کہ عوام کو مہنگائی سے بچانے کے لیے ہر ممکن کوشش کریں گے۔
ٹماٹر، لہسن، دالیں، گھی اور خوردنی تیل سمیت 17 اشیا مہنگی ہو گئیں
وزیراعظم کے معاون خصوصی شہباز گل نے کہا کہ حکومت بڑھتی ہوئی قیمت کا بوجھ اپنے اوپر لے گی اور عوام کو اس سے بچانے کی کوشش کرے گی۔
