کابل: افغانستان میں وسیع البنیاد حکومت کے قیام پر پاکستان اور چین نے تبادلہ خیال کیا ہے۔
اشرف غنی کو گرفتار کرائیں، لوٹی ہوئی دولت واپس دلوائیں: انٹرپول سے اپیل
ہم نیوز کے مطابق یہ تبادلہ خیال کابل میں متعین پاکستانی سفیر منصور احمد خان اور چین کے سفیر وانگ یو کے درمیان ہونے والی ملاقات میں کیا گیا ہے۔
پاکستانی سفیر نے اس ملاقات کی اطلاع سماجی رابطوں کی ویب سائٹ ’ٹوئٹر‘ پر جاری کردہ اپنے ایک بیان میں دی ہے۔
Met Wang Yu Chinese Ambassador in Kabul & discussed current Afghan situation & need for close collaboration between Afghans, China, Pak, int community for a way forward based on inclusivity, human rights respect & rule of law. @ChinaEmbKabul @PakinAfg pic.twitter.com/mIRXgrnRL9
— Mansoor Ahmad Khan (@ambmansoorkhan) August 18, 2021
ہم نیوز نے اس ضمن میں بتایا ہے کہ پاکستانی اور چینی سفرا کے درمیان ہونے والی ملاقات میں انسانی حقوق اور قانون کی حکمرانی کی بنیاد پر آگے بڑھنے کے لیے بھی بات چیت کی گئی ہے۔
حکومت سازی: طالبان کی حامد کرزئی،عبداللہ عبداللہ اور گلبدین حکمت یار سےمشاورت
ٹوئٹر پیغام کے مطابق منصور احمد خان کی اپنے چینی ہم منصب وانگ یو سے ہونے والی بات چیت میں پاکستان، چین اور افغانستان سمیت بین الاقوامی برادری کے درمیان قریبی تعاون کے امور پر بھی تبادلہ خیال کیا گیا ہے۔
